Corpus Van Reenen-Mulder (CRM14): Oorkonde F679r35101

Jc . . Herman van vtrecht . Sculte binnen Sutphen / en_ buten Sutphen op ten lande / doe kenlic en_ te wieten allen luden die desen brief z˚elen sien oft horen lesen dat vor mi come_ sijn in sittenden gherichte . . Henric honekone en_ Henric sijn soene / en_ bekanden / dat sij van gherechter sc˚lt sculdich sijn . . Gerde van der welle / Tien marc / g˚ets paymeints / vor wilke Tien marc vorscr_ / sij ghesat hebbe_ / dien vorgen_ . . Geerd en_ sijn Erfghen_ . in har g˚et te Honeko_e gheleghen te vyrack_ in den kirspel te warnsuelde / als vor ene marc gelts te rechten weddescatte / jaerlix daer vyt te buerne / alle jaer op sunte . . Mertijns misse in den winter / jn desen bescheyde / als weert sake dat die vorgen_ marc / yeneghes jaers vyt dien vorgenoemden g˚ede en_ op dien termijn vorscr_ niet betaelt en w˚rde / so mach . . Geerd va_ der welle oft sijn Erfgen_ die marc vyt dien vorgen_ g˚ede d˚en peinden mit des Sc˚lten bade van Sutph_ so wie die is in der tijt sonder yenegherhande claghe Voertmeer so m˚eghen Henric honeko_e en_ Henric sijn soene / en_ haer Erfgen_ die marc gelts vorscr_ wieder losen / alle jaer op su_te Mertijns misse vorscr_ / mit Tien marken paymeints vorscr_ en_ mit eenre marc vorgen_ . Hier weren auer en_ ane (-) va_ vyracker en_ Rolof sijn soene / als gherichts lude en_ anders viele (-) (-) Jn oerku_de des heb jc mijn segel ghehanghe_ an desen brief . Geghie? (-) (-) (-) (-) dusent drie + h˚ndert Een en_ vijftich / op sunte Gallen dach