Corpus Van Reenen-Mulder (CRM14): Oorkonde F679r35201

Jc heymeric van hellu . Scolaster . en_ canonic / in der kerken to Sutfen . Doe cunt allen luden / en_ orcunde appenbare in desen brieue . Dat voer mi comen is / aleyt hotinghes / met haren voermu_der . als met alberten den olden van hengelo / den sie coes met rechte . En_ becande . dat sie an den goede . en_ an + der were / to hotinc / met al sinen tobehoren . ho dat gheleghen is / in den kerspel to vorden . en~gheen recht en hadde / noch en heft . want sie na den goede niet horich en is . En_ waer haer enich recht an~ghecomen . dat ware by dode . haers vaders / moeders / susters . of broeders . dat ware in makinghe . of in ofsone / an ghelde / of an rurende goede . dat kande sie / dat siet al hadde en_ jaer @ dat al / wal vtet ware . En_ verteich van der were . en_ van den goede to hoetinc . oft sie / enich recht daer an hadde . met aren mu_tbare ho sie met recht solde . En_ dat goed nu_mer an te + spreken . of enich van are weghen . En_ do van hete . des capitels van Sutfen . beleende ic / en_ dede / herma_ne hoetinc aren neue / die na den goede / den capitel hoert . dat goed to hoetinc / met al sine_ tobehoren . in al den rechte / als dat goed ruert / van den capitel van Sutfen . dat is to verstane . dat herman voers_ . en_ siin nacome in den goede . alle iare vp sente Martins dach in den wint_e . sal gheue_ en_ betalen / van den goede to tinse . to Sutfen / den Capitel . Seuen scillinghe oldes gheldes . den olden conix groten van vrancrike . voer sestien pe_ninghen . oft also goed payment daer voer . Voert so sal hi gheuen alle iare . twe goede voeder / goedes hoyes / die to brenghene to Sutfen / in den zomere / voer des ambtmans huis . Hier hebben met mi ouer wesen . her arnold h_en peleg_ins sone . her willam otterma_ . en_ her arnold last . mine mede~canonike to Sutfen . En_ lubbert modinc voert . johan hoetinc . bertold tankinc . lambert platerinc / en_ gosen ton nyenhus tot ? . haer beyder maghe / en_ vrende . Jn orcu_de des / so hebbic / miin Segel ghehanghen an desen brief . Ghegheue_ jnt jaer ons h_en . Dusent / Drie hvndert / twe / en_ vijftich / des dunredaghes / na sente . Seruaes dach . - - -