Corpus Van Reenen-Mulder (CRM14): Oorkonde F679r35302

Wy . Reyner Lensen zone . ende . Rolof Ecberts zone . scepene to doesborgh doen kont al den gienen die desen brief zuelen zien of hoeren lesen . dat vovr ons quam . . herman lerjnch onze poert_ . ende droech daer vp i_ + ene_ rechten steden erfcope . . Pluenyse crauwel ene_ burgere va_ Sutphene . dat zeistendeel va_ + den g˚eden geheyten koelkinch . en_ aeldehof . gelegen i_ Voerster kirspel . to voerst toenden . vmme ene su_ma va_ pe_njngen . die . pluenys vovrgen_ herma_ne lerinch to g˚eder tijt wal betaelt heuet . Voertmeer v_teich herman vovrgen_ vp dat zeistendeel van den vovrscrieue_ tvjen g˚eden . en_ vp al dat recht dat hie an den g˚eden hadde to behoef . . pluenys crauwels vovrgen_ en_ Sijnre erfnamen . als hie vovr ons mit rechte zolde . jn orku_de deis hebbe wj onze ziegele gehangen an desen brief . Gegieuen jnt jaer ons heren dusent drie + hondert . drie en_ vijftich . deis zo_nendages na zu_te petrus dach ad vincula .