Corpus Van Reenen-Mulder (CRM14): Oorkonde F679r35601

Jc . . Arnt van vtrecht Hermans soene burgher te zutphen doe kenlic en_ te wieten allen luden mit desen brieue . dat . . Euert ten walle . van mi en_ van mine_ nacomelinghe_ . die mijns g˚ets te Honekonch een h_e oft besitter wesen z˚elen / gheleghe_ in den kirspel te warensuelde . hoelden sal een stucke lands gheleghen in den kirspele vors_ op ten Oesten~Enghe tusschen . Henr_ Rynerdinchs lande an diene side / Ende Reyners lande ter Brake an dander side dat vyt minen g˚ede te Honekonch vors_ ghecomen is / vor enen cleynen pe_ninch te tinse / alle jare op su_te Mertijns dach in den wint_e te brenghene op die wer van den g˚ede te honeko_ch vors_ . Also dat jc en_ die ghiene die des g˚ets te Honekonch vors_ een here en_ besitter na mi w˚rt oft wesen sal in der tijt . zuelen vor dien vors_ Tijns Euerde ten walle en_ sinen nacomelinghen . des vors_ stucke lands tot allen tyden een recht war wesen . vor alle die ghiene die des ten rechte comen wilt jn oerku_de en_ vestenisse des heb jc mijn ziegel ghehanghen an desen brief . Geghieuen jnt jaer ons h_en . dusent drie hondert zes en_ vijftich . op su_te . . Agniete_ dach