Corpus Van Reenen-Mulder (CRM14): Oorkonde F679r35702

Wy Richtere en_ schepen van Lochem / Doen kenlike / en_ openbare / alle den ghenen / dye desen teghenwardighen brief z˚elen zien / ofte horen lesen / En_ tughen / Dat voer ons comen is / Gherijt dye gruter van lochem / en_ Ryclant sijn wittelike beddeghenoot / en_ hebben verlyet / en_ bekant / Dat sy van eersamen luden / alze van + den Deken / en_ den ghemeynen heren / des Capittels van zutphen / ontfanghen en_ aenghenomen hebben / vijf mud saets~lands / gheleghen in + der nyer~coppele / by des voerseyden gherijts lande / int kerspel van lochem / Dye zelue vijf mud saets~lands / ewelike en_ o_mermeer te bezitten / en_ te bruken / voer hem zeluen / en_ voer hare erfghename / Alze om een ewighe stedicheyt van zeuen mudde / goeder pacht haueren / der maten van zutphen / Den zeluen heren en_ haren nacomelinghen / ewelike_ en_ o_mermeer / alle jaer te betalen / tusschen sente mertens misse / en_ kerssauo_t / en_ te zutphen vri te leueren op des voerseyden gherijts en_ Ryclants / en_ harre Erfghename / cost / anxt / en_ arbeyt . Jn alzulker manyeren en vorwarden / als hier na ghescreue_ staen / Dat is te weten / Weert dat zake / dat die voerseyde pacht en_ stedicheyt / alle jaer niet also betaelt en worde / alze voerscreue_ steet / so moghen dye voerseyde heren / en_ hare nacomelinghe / den zeluen pacht oft stedicheyt alle jaer / wt allen des voerseyden gherijts en Ryclants / en_ harre erfghenamen / goeden / so waer dat dye gheleghen sijn / binnen lochem / oft buten lochem / r˚errende oft onr˚errende / doen wt~peynden / metten daghelijcsche_ richter van lochem / zonder e_nich weder~zegghen . En_ voertmeer . Weert dat die zelue pande / binnen vierte_nachten / niet ghel˚est en worden / zo moghen dye voerseyde heren / dye zelue pande vercopen / als sy hogheste co_nen / om rede ghelt haren voerseyden pacht en_ stedicheyt / en_ alle moghelike scade en_ cost / dien sy daer om deden / daer aen te verhalen en_ in te halden / zonder e_nighe opbyedinghe / oft vervolghinghe des rechts / ghelikerwijs / als of dye zelue pande / opgheboden / en anders met recht vervolghet weren . Alle arghelist wt~ghenomen . Jn orconde deser dinghe so hebbe wy Richtere / en_ scepene van lochem voerghenoempt / onser stat zeghel / aen desen brief ghehanghen . Ghegheuen int jaer ons heren Dusent / drye + hondert / en_ zeuen en_ + vijftich des zonnendaghes / na sente johans Daghe baptiste / te middezomer . . .