Corpus Van Reenen-Mulder (CRM14): Oorkonde F679r35703

Wj Engelb_t van Herstele . Sculte te zutphen binne_ en_ buten . jacob van swipe / en_ johan stuerman Scepene te zutphen tughen apenbaer mit desen brieue dat vor ons en_ vor gherichts~lude die hier na bescrieue_ staen ghecomen is in gherichte en_ in scependoem . Lubb_t die louwer Lubb_ts soene en_ bekande dat hij sculdich is van gherecht_ sc˚lt h_en Merthene van zutphe_ Canonic te Deuent_ oft hoelder des briefs mit sinen wille viue en_ dertich g˚eder oelder guldenre schilde g˚et van golde en_ ghericht van ghewichte die hij hem ghelaeft heeft te ghieuen en_ wal te betaelne als een g˚et coman sonder yenich wieder~segghen jn den vier hylighen daghen te middewint_e naest come_de na Date des briefs . vor wilke viue en_ dertich schilde vors_ hij oec ghesat heeft h_en Merthene vors_ oft hoeld_ g˚et en_ Erue mit alre slacht_ n˚t vercope_ als vor veruolghede pande ghelikerwijs oft sie mit allen rechte vyt veruolghet en_ verwonne_ w_en . en_ mochte alle sine_ vryen wille daer mede doen / als dat te vercopene oft te versettene oft an hem selue_ te behoeldene vor die su_me gelts vors_ / En_ w_t sake dat hij oec yeneghe cost oft scade oft onraed daer om dede dat sal hem Lubb_t vors_ verrichten / also dat her Mertijn vors_ oft hoelder des briefs mit sinen wille dat verhalen mach . an den vors_ g˚ede / en_ an Lubberte vors_ en_ an and_s alle sine_ g˚ede waer hijt hedde tot h_en Mertijns selues segghene oft hoelders des briefs mit sine_ wille . Hier w_en auer en_ ane . volker van drynen volb_t by den kirchane Geret t_ welle en_ Arnt van vtrecht . als gherichtslude en_ and_s viele g˚eder lude . Jn oerku_de der sake_ vors_ hebbe wy . Sculte en_ Scepene vors_ onse segele ghehanghen an desen brief . En_ jc Lubb_t die louwer vors_ beke_ne dat alle dese vorwarde_ vors_ waer sijn en_ ghelaue die vaste en_ stede te hoeldene sonder wieder~segghen / En_ hebbe in oerku_de des en_ om der meerre vestenisse wille mijn segel miede ghehanghen an desen brief Geghieue_ jnt jaer ons h_en . dusent . drie + hond_t seue_ en_ vijftich op su_te . . Margrieten dach