Corpus Van Reenen-Mulder (CRM14): Oorkonde F679r35801

Jc . . Johan Spaen doe kenlic en_ te wiete_ allen lude_ mit desen brieue . dat vor mi come_ is Euert Spaen burgher te zutphe_ mijn neue / en_ heeft mit sinen vryen wille opghedraghen i_ mine hand . in behoef . . Henric stuermans burgh_s te zutphe_ en_ sijnre Erfghename_ den alinghen Teende grof en_ smal van den g˚ede gheheyte_ lutteke~veenhorsti_ch gheleghen te Dellen in den kirspele van v˚rden mit alle sijnre toebehori_ghe en_ mit alre slacht_ n˚t also als . Euert vors_ dien vors_ Teende van mi te hoeldene plach te lene / En_ dat jc om bede wille . Euerts vors_ dien alinghen Teeende vors_ mit alle sijnre toebehori_ghe voert beleent hebbe . . Henrike stuerma_ vors_ te zutphensche_ rechte . erflike en_ ewelike te besittene . hier w_en auer en_ ane . . jacob van loeyne_ en_ johan Tieselinch als mine manne en_ and_s viele g˚eder lude jn oerku_de des briefs besegelt mit mine_ segele . Geghieue_ jnt jaer ons h_en . dusent . drie ho_dert acht en_ + vijftich . des donre~daghes na su_te . . agathen daghe