Corpus Van Reenen-Mulder (CRM14): Oorkonde F679r35802

Jc . . Henric stuerman . bekenne mit desen brieue . dat die alinghe Teende van den g˚ede gheheyten lutteke~veenhorstinch gheleghen te Dellen in de_ kirspele te v˚rden . grof en_ smal mit alle sijnre toebehoringhe in alle_ gheuoghe . als jc daer af van . . johan Spaen beleent bun . / half toe~behoert . . johanne stuerman minen br˚eder en_ sinen erfghename_ en_ half mi seluen en_ minen Erfghename_ . En_ dat jc dien vors_ Teende in onser beyder behoef + . ontfanghen hebbe / jn oerku_de des heb jc mijn segel ghehanghen an desen brief . Geghieuen jnt jaer ons h_en . dusent drie hond_t . acht en_ vijftich . des sat_daghes na su_te . . Georgius daghe