Corpus Van Reenen-Mulder (CRM14): Oorkonde F679r36001

@ Allen luden die desen brief zuelen sien oft hore_ lesen doe wy verstaen Eernst va_ + de_ massche schoute op die dunst / en_ op die hare gherbert mensen soe_ / en_ wenemer willem des ryke_ soe_ schepene op die dunst en_ op die hare / dat rutgher va_ bu_schote_ onse b˚er is / en_ tot campe_ noch burgher noch wonachtich ghewest en heft bi_ne_ dier vede die tussche_ der stad va_ ca_pen / en_ der stad va_ zutphe_ gheleghe_ is / also dat ons dat co_dich is / dat die stad va_ zutphe_ mit rechte niet beden en mach / waer om wy bidde_ vors_ schepe_ en_ raet der stad va_ zutphe_ dat ghi rutgher onsen buerman voers_ wilt qujt schelde_ oft qujt doe_ schelde_ va_ sinre vanghenisse / en_ hu_ sijn have die hu? i_ uwer stad ghename_ is / doe_ wieder gheue_ Jn oerku_de en_ ghetuuich der saken voers_ hebbe wy desen brief beseghelt mit onsen seghelen Ghegheue_ Jnt iaer ons here_ dusent drie + hondert en_ tsestich des soene_daghes nae su_te peters daghe in de_ oest