Corpus Van Reenen-Mulder (CRM14): Oorkonde F679r36301

Wij Richter ende Scepen der Stat van zutphen / ende herman kempinc Scholt te zutphen bi_nen ende buten / maken kont ende kenlic allen luden / ende t˚ghen mit desen brieue / dat voer ons come_ is / alse in Scependoem / ende voer enen ghesete_ Richter . Ghese Creynts mit oren momber / daer thoe ordelike ghecaren / ende bekande dat sij heuet erflike vercoft verteghen / ende vry / opghedraghen / als sy mit recht solde / den . jonfrouwen in + den hospitael / die woenen buten onser hospitael Poerte / eyn maet gheheyte_ Creynts~maet mit alle oren recht / ende thoe~behoringhe / alse die gheleghe_ is in + den kirspel van wijchmonde / bi maet . Didderic . wendelinxs / te + hebbe_ ende te + besitten erflike ende ewelike / ? alre slachter not / behalden den goede te kelesbergh / alle jaer / drie groet / vytter maten voerghen_ . Jn orkonde ? hebbe wij Richter en_ Scepen voers_ onser . Staeds zeghel / ende jc herman kempinc Scolt voern_ mijns zelues zeghel aen desen brief ghehanghen . Gegheue_ jnt jaer ons h_en . Dusent Drie + hondert / drie en_ tsestich / op sente Peter en_ Pauwels dach / twier apostel .