Corpus Van Reenen-Mulder (CRM14): Oorkonde F679r36302

Wii Ghisebert de koc proefst to zutphen doen condich allen luden / dat wi bi consente onses Capitels van zutphen hebben vtghedaen en_ verpacht / arnt Museken borgher te zutphen en_ sine_ arfnamen arflic en_ vmm_meer de helfte van der mate / de gheheite_ is wessermate / gheleghen tot Eme in den kirspel to warensuelde vm een arflike pacht jaerlix als vm achte pont cleinre peni_ghe / payments dar + men pacht en_ hure binne_ zutphe_ mede betale_ mach / tussche_ sent martiins misse en_ midwint_ alle jaer te betaele_ / ons of onsen nacomelinghe_ / En_ weert zake dat he of siin arfname de achte pont niet en betaelde binne_ der vornomeder tiit jaerlix / so ghinghe daer vp te pene_ / na kirsdaghe viertich daghe alle~vmme / alle daghe viif schillinghe / cleine / En_ alse de viertich daghe vmme~come_ were_ / so mach der proefstyen amptman van zutphe_ / de achte pont / med der peene_ penden / aen de alinghe maet / Oec heb wi oen ghelauet een pitwech / te hebben / van + der vorseider maet / aen boetholtenghe / dor grontloets~maet en_ dor ?maet behalden ons oec vt der ander helfte van der vorseider wessermaet / derde + half schilling alts gheldes / en_ een hoen vp sente martiins dach to v_tiensen in + den wint_ . En_ vp~dat dit vast en_ stade bliue so heb wi desen brief bezeghelt mid onsen zeghel / En_ wi Capitel van zutphe_ in meere vestenisse deser ding / hebbe_ desen brief mede bezeghelt / Ghegheue_ jnt jaer ons h_en / dusent dre + hondert en_ dre en tsestich / vp sente margarete_ dach :