Corpus Van Reenen-Mulder (CRM14): Oorkonde F679r36303

Jc johan spaen . ende Henric mijn zoen / bekenne_ mit desen apenen brieue / dat wij mit onsen vryen wille / ende mit gansen berade . vercocht hebbe_ . Henric stuerma_ / van zutphen / die onse beleende pandighe man was / dat selue man~leen / dat hij van ons te hoeldene plach te zutphenschen / recht mit ene_ pande te verhergheweden / alse die teende / die gheheyten is luttikeveynhorstinch . groet / ende cleyne / mit alle v˚rre toe~behoere / gheleghen in + den kirspel van vorden / ende in + der boerscap van Dellen . also dat Henric st˚erma_ vors_ ende sijn erfghename_ / die vors_ teende / mit alle v˚rre toe~behoringhe gheleghen / in + den kirspel ende boerscap voers_ / n˚ voertmeer / voer een Edel eyghen / erflike hoelden ende hebben z˚elen / ende hem die teende voern_ / voer ons / en_ onse erfghename_ gheeyghent / ende ghevryet hebbe_ / ende schelden quijt / die manscap / ende also ghedaen recht en_ heerlicheit / alse wij hebbe_ aen dier teenden vors_ / want jc johan vors_ der teende voerghen_ . die me_ van mi / tot ene_ pandi_ghe_ oft zutphenschen lene heldt ghene_ and_en here baue_ mi en hebbe / ende jc die_ ouerste here daer af bun / voertmeer hebbe jc johan Spaen . henric mijn zoen vorscr_ ende onse erfghen_ / ghelaeft te + waren / Henric st˚erma_ vors_ / ende sinen erfghename_ / dat vors_ manrecht / alse erfcoeps recht is / voer alle die ghene / die des ton rechte come_ willen sonder arghelist . Ende vm~dat dese dinch vaste ende stede sijn Soe hebbe jc johan vors_ dese vorscr_ zaken / jn oerkonde manne / eens hoghen edelen h_en des hertoghe van Ghelre_ ende Greue van zutphen mijns lieue_ h_en / alse . . Henric louwer / ende . andryes tzyseren ouer~ghegeuen / want jc mine v˚lle van minen ma_ne niet en hebbe / ende bidde hem mede / dat si dit alse ma_ne mit mi bezeghelen / Jn orkonde en_ kennisse des / heb jc johan spaen vors_ mijn zeghel ghehanghen / an desen brief / En_ wij Henric louwer ende andries tzys_en vors_ . hebbe_ vm bede wille johans spaen vors_ ende vm der meerre vestenisse / alse mans ons lieue_ h_en des h_toghen van Ghelren ende Greue van zutphen desen brief mede bezeghelt mit onsen zeghelen Ende Jc henric johans soen vors_ bekenne / al dese voerscr_ zake_ waer te wesen / onder zeghel johans mijns vaders ende der manne voerscr_ / want jc en~ghene_ zeghel en hebbe / Gegheue_ jnt jaer ons h_en Dusent / Drie + hond_t drie en_ tsestich / v˚p sente Mag_ten dach