Corpus Van Reenen-Mulder (CRM14): Oorkonde F679r36601

Jc Dideric van + der Hoerst : do kondich alle luden . Dat jc hebbe gesaet en_ Zette seleken winterpoel minen Oem : jn myn g˚et ter Hoerst als dat gelegen js ses jaer tot enen Rechten : Momb_e by Onser beyder maghe aelbert van s˚dera˚es . Die Oelde en_ aelbert to weylinchaue : En_ seleken vors_ zal comen elkes jaer : En_ zal desen twien aelberte v + . En_ zal weder Om rekenscap doen die wile : Dat jc buten lande byn . en_ weert dat jc weder to lande quame . So zal seleken by my comen En_ by die ghene die jc daer by hebben zal En_ wil en_ rekenen teghen my sonder argelist + : En_ O_me der mere vestenisse wille So heb jc gebeden desen twien aelberten vors_ dat sie desen brijf besegelt hebben myt my En_ wy aelbert En_ aelbert vors_ Omme bede wille Dideric En_ selekens vors_ hebbe wy desen brijf mit dideric vors_ besegelt gegeuen jnt jaer Ons h_en Dusent Drie hond_t ses en_ sestich Op sonte polciens auont