Corpus Van Reenen-Mulder (CRM14): Oorkonde F679r36901

Wy Vrederijch Stinbicker en_ Henr_ vryese Scepene Tot Sutphen T˚ghen mit desen Openen brieue dat voer Ons sint Gecome_ in Scependome johaen Creinch en_ mit One Armeghard Sine Echte wijf mit haren gherechten montbar vurdelijck vor Ons daer to ghecoren en_ hebben becant dat sij hebben vercoft Eerflijcke en_ Eewelicke andrees C_inch en_ Sijnen Eruent Een achtendeel van achtteyen morghen Lants tsij meer oft myn daer Sijnt gheleghen mit haren to~behore en_ mit aller zlachter noyt Gheleghen vp welden bij Twenlo in den kerspel ther~woelde en_ hebben daer mede van vpghelaten en_ vrij verteghen alse Se mit rechte Soelden tot behoef andrees vors_ oft Sijner Eruent Erflijcke en_ Eewelijcke voert meer So hebben Sij One ghelouet dat Guet alse vorscr_ to vestene vor den Rijchte dart Onder js gheleghen alse tot manynghen andrees vorg_ oft Sijner Eruent Sonder arghelijst jn Een Orcond des So hebben wij Scepene vorg_ Onse Seghelle aen desen Brief Gehang_ Gegeuen jnt jaer Ons h_en D˚sent Drij + hondert neghen en_ Seesticht vpten Saterdach na Rem? jn der vastene /