Corpus Van Reenen-Mulder (CRM14): Oorkonde F679r36902

Jc gerloch kempinch . sculte bi_nen zutphen Ende Daer b˚ten Tughe Openbaer in desen brieue : Dat vor my / Ende vor gerichtes lude Die hijr na bescreuen staen : ghecomen sin in sittenden gerichte / / Henric Penninch . En_ mit hem : stine sin / / wijtlike Echte wijf : alze mit Oren Mombaer sonderlinghe Daer toe vor my ghekoren : mit Oerdel / Ende mit rechte : Ende bekanden : Dat sie vercocht hadden : Reynolde van stienberghen : Oren Theenden : grof / Ende smal : mit al sinen to~behoerne : Ende mit alre + slacht_ + n˚t : alzo als die geleghen js in + den kerspel van waernsfelde : Ende van almen : Ende in + der buerscap van riesele van E˚ede : Ende van Cuerslo : Ende vort waer hi geleghen js mit al sinen to~behoerne : als vors_ js : Ende hebben daer / vor my Op verteghen : vor hem : Ende vor Oer / Erfgen_ / / alze Oerdel Ende recht wijsde : to beHoef : reynoldes vors_ : Ende sinre Erfgen_ : Ofte na~komelinghen : Dien vors_ theenden : Eerflike Ende Ewelike to gebr˚ken : Ende al argelist vyt~gesat in allen Ponten vors_ : Ende hijr waren mit my Ouer Ende an : alze gerichtes Lude : johan ten mersche : En_ johan van Drinen Ende anders voele gueder lude : Voert Tughe jc : Dat in den : seluen gerichte : vor my / Ende vor gerichtes lude : Die hijr vor gescreuen staen bekanden : Ende la˚eden : Henric penninch : gered van ampsem : Ende Lubb_t van drinen : mit gesamender hant Ende Elc vor al : Reynolde vors_ Ofte sin Erfgen_ : Dien vors_ Theenden : to waren : jaer Ende dach : vor al Die ghene / Die des ten rechte comen wilt : Ende Daer toe allen vor~ko_mer / Of te Doene / / jn Een recht tuych : Der waerheyt / So heb jc sc˚lte vors_ / mijn Zegel an desen brijf gehanghen : Gegeuen int jaer Ons heren : Doe men screef Dusent Drie hondert neghen En_ zestich Des zoenendaghes na sente jacops Daghe : Eens ap_ls . .