Corpus Van Reenen-Mulder (CRM14): Oorkonde F679r37102

Wij Richt_e ende Scepe_ne to Zutphen . maken cont en_ kenlic alle_ lude_ mit desen ape_ne brieue en_ tughe_ dat vor ons in gerichte en_ Scependom gecomen sijnt Alphard henricks St˚ermans soene en_ Conraet sijn broeder an die ene sijt Ende fenne wilnier witlicke wijf henr_ vors_ mit oere_ gecore_ mo_baer daer to vor ons ordelicke en_ mit rechte . . en_ mede va_ oere kind_e weghen die sie henr_ stuerma_ vorsc_ heeft an die ander sijt en_ becande_ dat sie au_mits oere_ maghen en_ vrende_ va_ beyde_ sijden . een erscheyt an~gegaen hebbe_ ende gesceyden sijnt alse va_ eenre maet gelege_ op warensfelder m_sch tusche_ Onetongher maet an die ene sijt en_ Johans maet va_ rijpe_ an die ander sijt . also dat alphard en_ Conraet sijn broeder vors_ hebbe_ suelen die ene sijt va_ der vorg_ maet streckende an Onetongher maet also als die mit den graue langhes d˚er~gheet / Scyetende op den dwers~graue_ Ende Alphard en Conraet vorscr_ Zuelen die wrocht hoelden bute_ fenne_ Cost vors_ en_ oere erfgen_ ende die graue sal om tobeho_n ende oere wesen / ende also dat die dwers~graue om beyde_ to~beho_n sal Ende die wrocht op den vorscr_ dwers~graue_ ok om beyde_ en_ oere_ erfgen_ mede to~beho_n sal / vortm_ so sijnt vorworde dat die t˚en sal staen op fenne_ sijt vorg_ en_ oere erfgen_ op dien dwers~graue_ . behoelden der paeplicker ? der kirken to warensfelde twe pond jaerlicker rente_ vyt den alinghen er vors_ . Jn sulken vorworden dat alphard en_ Conraet vors_ ofte oer erfgen_ geven en_ betaelen s˚elen vyt oere_ deele va_ der vorscr_ maet achte en_ twintichsten halue_ Schillingh gewonlickes geldes jaerlickes ende fenne vors_ en_ oer erfg_ twelf Schillinghe en_ ene_ halue_ Schillingh vyt oere_ deele erves alse vors_ is Jn orco_de der waerheyt so hebbe wij ons_ Stedes segel an desen brief gehanghe_ Gegeu_ int jaer ons h_en . dusent drie + hond_t eene en_ tseue_tich des mane_dages na der heylig_ kind_e dach