Corpus Van Reenen-Mulder (CRM14): Oorkonde F679r37302

Wy jan van Enghehuzen / en_ stine zyberdincs / wittelike bedde~ghenoet des zeluen jans / bekennen ope_baer met desen teghenwardighen brieue / Dat ons dye Deken / en_ dye tghemeyne heren / des capittels van zutphen dat van gracien / en_ van vrienscappen verleent hebben / dat wy oft onze erfghenamen / der voerseyder heren goet Ten wolde gheheyten vryendenborch met allen synen toe~behoeren en_ slachter not / also alze dat gheleghen is / in dye boerscappe te bake int kerspel te steenre / teghen vn hier~namaels alst ons staedt / binnen drien jaren nae date des teghenwardighen brieues copen moghen om een zeker somme van ghelde / als dye brief helt / dye sy ons daer op ghegeuen hebben . Voert so kenne wy / dat wy den vors_ heren ghelouet hebben / en_ ghelouen met desen teghenwardighen brieue / in goeden trouwen / Dat noch wy / nocht onse erfghenamen / nu_mer~meer / meer den vors_ heren bidden en solen / noch doen bidden om verlenghenisse der voerseyder jaren . Ende weert zake / Dat wy dat deden / des wy doch nyet doen en solen nocht en moghen als vors_ is / Ende ons dye vors_ heren in dier beden / voer weygheringhe deden / dat zuele wy duldelijcke liden / en_ met gonsten . en_ en zoelen daer om en~gheen ouelen moet op vn draghen . Mer wy soelen ore goede vriende ghelike wael bliuen / alze of sy alle onse begheerte ghedaen hedden / i_ dese_ vors_ zake_ / en_ doen vn altoes voert~aen alzulke ghonste en_ vrienscap / alze een goet vrient den anderen sculdich is te doen . Jn orconde deser dinghe / so hebbe wy onse zeghele aen desen brief ghehanghen . Gegheuen jnt jaer ons ? ? ? + hondert / drie en_ tsouentich / op alre kijnder daghe -