Corpus Van Reenen-Mulder (CRM14): Oorkonde F679r37401

Wii Rolof van vierack_en tresiana min moder en_ jutte min zuster / doen condich allen luden dat wi de tve molder rogghen / een molder corns en_ een molder hau_en de wi heer to hebben ghehad / en_ ghebuert jaerlix vt den goede ten lutteken~brinke gheleghen in den kirspel van roderlo / hebben vp~ghedraghe_ en_ auer~ghegheue_ arflike te besitten den deken en_ den Capitel te zutphe_ vm vier malder rogghe_ stedicheit / en_ vijf scillingh clene tinsghelts vt den goede te hastelborch gheleghe_ in den kirspel van logghe_ / de wi arflike zole_ besitten en_ bruke_ / Jn orkonde des heb ic Rolof vorseit min zeghel aen desen brief ghehanghe_ En_ vm meere vestenisse so heuet ghiselbert van bronchorst heer van borclo desen brief mede bezeghelt vm bede wille mire moder suster vorseit / jnt jaer ons h_en / dusent drie + hondert + vier en_ seue_tich vp sente micheels auont