Corpus Van Reenen-Mulder (CRM14): Oorkonde F679r37501

Wij Gerloch kempinch : ende jacop van Beynem : scepenen Tot zutphen : doen kont allen luden mit desen apen_ brieue Ende Tughen Claerlike : dat vor vns gecomen Js in scependoeme : Maes des witten : Ende scoelt al~daer quijt : die alinghe joncfrouwen van + den Hosspitaele : Tot zutphen : die nv jn + der tijt sint : Of her + namels komen moghen : van also~daenre manscap : als vm die joncfrouwen sculdich weren : to doene : ende een Edel Eeyghen : Ende heuet maes vors_ : mede gela˚et : vor Om en_ sine Erfgen_ : dat sie den joncfrouwen vors_ : des een recht waerende wesen s˚ele_ Erflike : en_ Ewelike : jn een recht tuych : der waerheyt : so hebbe wij scepen_ : vors_ vnse segelen : an desen brief gehanghen : Ende Omme der mere vestnisse : wille : So heb jc maes Die witte vors_ vor my en_ mine Erfgen_ mijn segel mede an desen brief gehanghen : Gegeuen int jaer vns heren : Dusent Drie Hondert : vijf en_ souentich vp sunte bonifacius dach