Corpus Van Reenen-Mulder (CRM14): Oorkonde F679r38001

Wii gelis ysere_ en_ wyllem pelegrinus / scepene tot zutphen tugen apenbaer dat vor ons in scependom gecomen sijt . Jacob van beinhem / en_ . Stine sin echte wiif mit v˚m alse mit oren rechten momb_ ordelic daer toe vercaren / en_ droghen vp en_ verthegen steuen huginche erflic dese drie pont des jaers / die sij jarlix hadde_ . vyt des staets . gruyt van zutphen nae inholde des staets brief daer dit transfix dor gesteken is Steuen vorscr_ Erflike to besitten / Ende doe dese vors_ vertijchnisse geschiet was tot behoeft steuens vors_ Doe quam Steuen huginc vors_ en_ Mette sin echte wiif mit v˚m alse mit oren rechten momb_ en_ becanden vor ons dat dese vors_ drie pont Jarlik_ pensien nae inholde des vors_ staets brieue . hebben en_ tobehoren solen / den geistliken Joncfrouwen van sunte Marie_~horst geheite_ ter Ho_nepe / alse in die kelrye in / aldusliken gevoghe / dat / + dit ene pont irst behoren sal in die vors_ / + kelrye alse vor / dat pont Jaers dat steue_ hugi_c vors_ in die vors_ kelrie jarlix the + geue_ plach vyt sinre stallinge / en_ husinche / bij synre husinche gelege_ die wiln_ . . h_en Herman noermans was / welc pont jarlix die vors_ her herman noerman vyt den vors_ huse in die vors_ kelrye gegheue_ hadde / welc pont steue_ vors_ in geliken wissel auergegheue_ / en_ geloeft heeft / alse hi vor ons verliet / heeft . Voert~mer dat ander pont van desen vors_ drieen ponden / dat becande steue_ vorscr_ en_ mette sin wijf vors_ dat sij jarlix gegheue_ hebben den vors_ joncfrouwen in die vors_ kelrye tot rechter memorie_ / en_ in ene_ rechten testame_te / Voert~mer dat derde pont / van desen vors_ drieen ponden / becande_ . steue_ en_ mette vors_ / dat oen die vors_ Joncfrouwe_ tot behoef der vors_ kelryen / witlic en_ wal afgecoght hebben / en_ tot oren wyllen betaelt / vp dese vors_ drie pont hebben / steue_ en_ Mette vorscr_ verthegen alse soe mit rechte solde tot behoef . der vors_ kelrye erflic dar in the + bliuen . behaldelic ons_ stat van zutphen alle ors rechts alse ellic pont the + losen mit twelef ponden . ? ? des soe heb wi onse zegele an desen brief gehange_ Geg_ int jaer ons here_ M˚ CCC˚ tachtentych des dinxtags nae Georgij .