Corpus Van Reenen-Mulder (CRM14): Oorkonde F679r38101

Jc herman kempinc sculte binnen ende buten zutphen doe kont allen luden en_ tughe apenbaer dat vor mi ende vor gerichtes lude hiir nae bescreue_ gecomen sijt in sittende gerichte . Reynolt van steenb_ge_ Heine vriese amptma_ en_ verwarre des huses en_ g˚ets in h_en borre_ hof geheite_ der husarme_ huys alse van des vors_ huses en_ g˚ets weghe_ Lubbert vp + den kelre amptma_ en_ verwarre der joncfrouwe_ en_ des g˚ets in + den spittale / van der vors_ joncfrouwe_ weghe_ . lephart van oerthusen Euert kiif willem t_ steighe Johan tedekonch Reynolt te kilsberge lambert dibbeldinch Johan standert en_ zwencken the hecwijc mit oren momb_ ordelic dar toe vercare_ / Ende becande_ vor my in sittende gerichte dat sii v˚m gemeyne_ orbers wille eendrachtelic mit guden vorsinnige_ berade / en_ v˚m noetsaken wille orre gude_ en_ erfnisse wille in ene_ rechte_ vasten steden erfcope vercoght hebbe_ den eersame_ ma_ne meister andriese creynck en_ sine_ erfg_ erflic en_ vmm_mer / dat alinge stucke landes dat gelege_ is in den kirspil toe wichmonden in wichmonder werde / in + der loewicker marke gelegen tusschen hecwicker houe die nv zweneken te hecwijc heeft an die ene zide / En_ den lande geheite_ hechwichter keemp / en_ buninchs hofstede an die ander zide . streckende voert in dye ysele / mit alle sinen tobehore / dat dar nv toebehoert oft tot eniger tiit hiir~naemaels dar an valle_ mach tsii te water of te lande te torve / te twighe ende tot alre slachter n˚t / alse vor ene su_ma van gelde die hem meist_ andries vors_ wal betaelt heeft voert soe droge_ sii vp meist_ andriese vors_ dit vors_ lant mit alle sine_ tobeho_e als vors_ is co_merloes en_ vry mit hande en_ mit monde en_ als sii mit rechte solden en_ kanden voert / dat sii en_ ore erfg_ noch anders niemant van orre weghen dar gheenreleye recht an beholden en hebben . Ende laueden vort den vors_ meist_ andriese des vors_ lants ende sine_ erfg_ en_ naecomelingen the ware_ en_ dar inne te holden vor alle die ghene die des ten rechte come_ willen . Mede so kande_ sii vort w_t sake dat hiir~naemaels yema_t queme / die nv niet mede vor gerichte vpgelate_ En hedde die mede geerft w_e an + desen vors_ lande dat si meist_ andriese vors_ en_ sine_ naecomelinge_ dar g˚et vor wese_ solen dat hii dar ghene_ noet of trot af lide_ en sal . Mede soe kande_ sii dat vrouwe jutte van nyenbeke / hem des meynlic gebeden heeft / dat sii vor oer laue_ sole_ en_ vor oer mede vertie_ sole_ want sii selue_ vp dese tiit dar niet bii come_ en conde en_ dat die vors_ vrouwe jutta van nyenbeke desen vors_ coep / en_ alle vertiichnisse en_ lofnisse mede vast en_ stantachtich holde_ sal geliker wiis oft sii mede vor gerichte geweest hedde / en_ hedde selue_ mit hande en_ mit monde / dar vp verthege_ . want sii mede geerft was an den lande vors_ . Mede soe kanden sii . w_t sake dat Meist_ andries vors_ of sine erfg_ oft naecomelinge van des vors_ lants wege_ . an enighen p˚nte vors_ gebreck hedden oft kreghen dar af solen sii he&mring; af ontheffen ende schadeloes holden vor alle die gene die des te_ rechte come_ willen . . al argelist vytgescheiden . Hiir waren auer en_ aen alse gerichtes lude Gaedert Rodebaert / ende Johan die hoghe die dar sonderlinge auer onthaelt worden Jn eyn recht getuych alre punten vors_ . soe heb jc herma_ kempi_c alse ein schulte en_ van gerichtes wegen mijn zegel an dezen teghenwordigen brief gehange_ Geg_ in + den jare ons h_en M˚ CCC˚ eyn ende tachtentiich . des donredags nae sunte gallen dach . .