Corpus Van Reenen-Mulder (CRM14): Oorkonde F679r38301

Wii Gelis ys_en En_ jacop va_ beinhem scepene to zutphe_ tuge_ dat vor ons in scependom gecome_ siit gert van elten bij om zeluen rexe sin wiif en_ nese sin moder als mit oren momber en_ lauede_ joha_nes van dorenborgh schadeloes te holden tot sins selfs segge_ van alre ansprake die hem come_ mochte va_ spaen van reeuwijc en_ van kirstiaen noerdinch als va_ des gelts wege_ dat sii geb˚rt hebbe_ va_ joha_nes van + der erfnisse tot westervoert en_ kande_ mede dat sii ghene ansprake en hebbe_ an die vors_ erfnisse tot westerwoert en_ oft sake w_e dat spaen oft kirstiaen vors_ vertiichnisse hebbe_ wolde_ vp die vors_ erfnisse dat lauede_ sii to done soe wa_neer spaen en_ kerstiaen vors_ des begherende siit . Jn orcunde des soe heb wi onse seg_ an dezen brief gehange_ geg_ in + den jare ons h_en M˚ CCC˚ drie en_ tachtentijch des . saterdaghs nae sunte Jans dach Baptiste . .