Corpus Van Reenen-Mulder (CRM14): Oorkonde F679r38901

Jc henric huginc als een leenhe_e doe cont allen luden dat vor mi en_ vor gelis iseren ende vor andries isere_ alse ma_ne ons lieue_ ghenadigen h_en van gelren die jc in Recht_ manscap en_ in getuyge daer toe vnthaelt ende gebeden hebbe gecome_ is min beleende man vrederic steenbicker bij hem selue_ en_ nese sin echte wiiff mit hem alse mit ore_ vercarene_ momb_ en_ droghe_ vp mit ore_ vrien willen jacop van beynhem tot behoef Euesen orre docht_ berade dat alinge virdel van + den erue en_ goede geheite_ yebbecongh mit sinen tobehore soe dat gelege_ is in + den kirspil van warensuelde in + der b˚erscap van lesten / alse dat dye selue jacop van beynhe_ bij rade en_ bij toedoen Gelis en_ andries vors_ mechtich js dat vors_ virdel te versetten the vercopen off anders erflic te kyren tot behoeff der vors_ Euesen mede the berichten en_ aen oren echte_ man mede the brenghen in wilker wijs den selue_ jacop Gelis en_ andriese dat orberlixt wesen dunkt . Mede soe becande die vors_ nese mit ors mo_bers hant dat sii oer liifftoght van den vors_ viirdel van yebbecongh auer~gaff en_ vpdroegh in allen ghevoge_ soe vors_ js beholdelic mi henric huginch vors_ w˚t den halue_ goede ene_ olden schilt jarlix nae inhelde der brieffs dar vp sprekende en_ vort mi en_ alremalc sins rechtes jn orco_de des soe heb jc als een leenhere min seg_ aen desen brieff gehange_ En_ wi Gelis isere_ ende andries iseren in scependo_ alse scepene tot zutphe_ soe heb wi onse seg_ an desen brieff gehange_ Geg_ in + de_ ja_e ons h_en M˚ CCC˚ nege_ + ende + tachtentiich vp ons_ vrouwe_ auont purificacio