Corpus Van Reenen-Mulder (CRM14): Oorkonde F679r39201

JC Johan van + der Capellen : vp dese tijt Rentemeyst_ in + den lande van zutphen : Tüghe mit desen Apen_ brieue dat vor my gheComen sint Gertrud : + wynterpoels mit Johan van dorenborch Oren gecaren Momb_ : Ende wynken wynterpoel der seluer Gertrüd zoene vors_ by Om seluen : Ende bekanden een~drechtelike : met Oren vryen willen : dat sie gegeuen hebben Ende gheuen : Gerd den Reygher mit Gertrud sijnen wijtliken wiue : der seluer gertrud docht_ : Ende wynkens zust_ vors_ Jn Rechter mede~ghgaue + (-) dat alinge Halue Erüe en_ güet geheyten tot Poppinc met Allen sijnen toe~beho_en : Erflike en_ Ewelike tot besitten : : + behoelden Gertrud en_ wynken vors_ der Ander Heelfte van desen vors_ güede tot poppinc Alzo als dat gelegen Js in + den keerspel van zeelem : voert Soe heuet Gertrud vors_ : mit Oren ghecaren Momb_ vors_ Ende wynken vors_ bij Om seluen van + der heelften des vors_ güedes mit Allen sinen toe~beho_en : verteghen vp~gedragen : Ende Aüer~gegeuen : Alzo als Oerdel en_ Recht wisede tot behoeff Gerdes Reijgers Ende Gertrud sijns wiues vors_ ende Oren Erfg_ : Alzo dat GerTrüd noch wynken Oer zoen vors_ An der Heelften des vors_ güets / en~ghien recht An behoelden en Hebben : hijr weren Aüer en_ An gerichtes lude Jacop van beynem Gerd dye Coster ende Anders veele güeder lude : Want die vors_ güet tot Poppinc : Een Tijns~güet Js mijns lieuen heren van Gelren : ende dese vors_ zaken : en_ vorwarden vor my geschiet sint : Soe heb ic Johan als een Rentemeyster vors_ Tot ene_ rechten tüghe : mijn segel An desen brieeff gehangen Gegeuen Jnt Jaer Vns Heren dusent driee Hondert twee en_ negentich des Sat_dags na den sonnendach in + der vasten Oculi