Corpus Van Reenen-Mulder (CRM14): Oorkonde F679r39301

Wii . Richt_e ende scepene der stat van zutphen . Ende Jc Gherijt van Elten sculte tzutfen binnen ende buthen doen Cont ende tughen apenbaer dat v˚r ons in sittende gerichte ende in Scependom gecome_ siit . Alphart steenbicker bii hem seluen Nese sin moder Euese en_ vrederic sin susteren als mit oren rechten v_carene_ momb_s / ende mit oren maghen van beyden zijden en_ becanden v˚r he_ en_ v˚r or erfgename_ dat sii in Enen vasten steden erfcope vercoght hebben v˚r eyn su_ma gelts dye hem wal betaelt is . Henrike huginch en_ sinen eruen dat alinge halue Erue en_ goit mit all sine_ tobeho_e geheiten yebbecongh gelegen in + den kirspil van warensuelde en_ jn der b˚rscap van leysten vrij ende co_merloes en_ teent~vrij beholdelic den h_en van + den Chore tzutfe_ w˚t den alingen Erue en_ goide iarlix to stedicheit ein molder rogghe_ en_ ein halff moder / coerns / Ende beholden van Ene_ stucke lants den tenden den gheuen dye dat stucke met rechte teenden sal in allen rechte en_ ghevoghe als vrederic steenbick_ alpharts vader vors_ dat halue goit en_ Erue te lene plach te + holden van henrike huginch vors_ then zutphensche_ rechte Vort soe hebben die vorg_ alphart bi hem seluen Nese sin Moder Euese en_ vrederic sin susteren vors_ mit oren momb_s v_thege_ v˚r ons als recht was vp dit vors_ halue Erue ende goit tot yebbecongh en_ ginghen des erflic mede w˚t tot behoeff henric huginx en_ sinre erfg_ soe dat ordel en_ recht dair auer ghinc dat sii dair aff onterfft siit en_ henric huginch dair weder an gheerfft is . . Hiir hebben auer en_ aen ghewest alse maghe ende vrinde van + des vader weghen / tideman van + den walle Euerts soen En_ andries is_en Gelis soen Ende van + der moder weghen herman ende lambert Sturema_ gebrud_e all argelist en_ nye vonde hiir Jn alingh w˚tghezeghet . Jn orconde des soe hebbe_ wi Richt_e en_ scepene onse staets seg_ Ende Jc gherijt van Elten sculte vors_ min segell aen desen brieff gehange_ . gegheuen in + den Jare ons heren duzent drie + hondert driee en_ tnegentijch des wonsdaghs nae alre heyligen dach . .