Corpus Van Reenen-Mulder (CRM14): Oorkonde F679r39801

Jch Ghisebert van netelhorst doe cont allen luden als ein leenh_e dat vor mi in orconde minre manne van lene nabescreue_ gecomen is Albert van winberghen . en_ droegh vp vor mi en_ mit mine_ orloue en_ consente h˚ghen van netelhorst in behoeff der Ersamer geystlik_ lude des priors en_ des ghemeyne_ co_uents van windeshem den / alinge_ dammer thende mit alle sinen tobehore soe alebert vors_ den van mi plach te holden te + lene te_ zutphensche_ rechte . En_ bat mi vort in orco_de der seluer minre ma_ne dat Jch h˚ge_ van netelhorst belenen wolde weder den vors_ thenden in + behoeff des priors en_ co_uents van windeshem vors_ . want die selue alebert becande dat hii noch sin erue_ gheen recht meer en behielt an den tenden vors_ doe dit all gheschiet was in orconde minre ma_ne soe recht was . doe bereit Jch ghisebert van netelhorst vors_ mi des also . dat jch vp den staenden voete h˚gen van Netelhorst den selue_ dammer thende groff en_ small mit alle sine_ tobehore beleende / en_ belene mit desen brieue van mi en_ van mine_ nacomelinge_ . der heerlicheide van den da_me te holden te_ zutphenschen rechte mit ene_ ponde te + verherweden alse tot behoeff des priors en_ des co_uents van windeshem vors_ . En_ wanneer hughe van netelhorst vors_ niet langer en were soe solen die prior en_ dat Conuent tot windeshem vors_ mi off mine_ nacomelinge_ vors_ setten ene_ and_en g˚eden man van des tenden weghen vors_ . beholdelic mi alle mins Rechts en_ ene_ ygeliken des sinen hiir ware_ auer en_ an Jn manscappe henric van ampsen en_ gheriit maes . jn orco_de alre + p˚nte_ soe heb . Jch min segell an desen brieff gehange_ En_ om der merre vestniss wille . Soe heb Jch Henric van Ampsen min segell mede an desen brieff gehangen beide vor mi en_ vor gheride maes alss om beden wille gerts vors_ Ende ich gherijt maes bekenne dat Jch gebeden hebbe henrike vors_ desen brieff mede auer mi te + segelen want Jch seluen gheen segel en hadde ghegeue_ in + den iare onss here_ M˚ CCC˚ acht en_ tnege_tich des wonsdags nae sunte Scolastice daghe . .