Corpus Van Reenen-Mulder (CRM14): Oorkonde F679r39901

Jch johan van steenb_ghen schulte tot zutphen binne_ en_ buthen doe kont en_ t˚yge dat vor mi en_ vor gherichts lude in sittende gherichte gecome_ siit dyderich toppeken en_ lisebet sin echte wiiff mit hem als mit oren rechte_ v_carene_ momb_ . en_ becanden vor hem en_ vor oer eruen dat sii v_coght hebbe_ in ene_ steden erfcope en_ alle_ iare sculdich siit henrike groenloch en_ sine_ erue_ drie molder goedes wint_~rogghen zutphenscher mathen erfliker stedicheit w˚t oren erue en_ goide mit alle sine_ tobeho_e gelege_ in + den kirspele van v˚rden in + der buerscap van linde geheite_ kotstede te + betalen alle jare en_ co_merloes te + leuere_ bi_nen zutphe_ henrike v˚rscr_ En_ sine_ erfgename_ v˚r die d˚ere dair sii in + der tiit dan wonachtich siit wert sake dat henric off sin erue_ tot eniger tiit gebreck krege an der betalinge_ tweer een deell off all . dair v˚r moghe_ henric gronloch vors_ en_ sin erfg_ onbeclagt v˚r pende_ mit enen dagelixschen pender an dit vors_ goit ter kotstede off an enich goit dait me_ dair vp vonde dair henric off sin erue_ lieuest an pende die pande mach me_ vort v_cope_ alse pande die v˚r pacht gepent siit dat vors_ gebreck en_ alle cost en_ schade die van + der pe_dingen weghe_ dair vp gedaen w_e van + de_ pande_ te bore_ sonder yemants wedersegge_ vort soe gelaefden dirc en_ lisebet vors_ dat sii en_ or erue_ henrike vors_ en_ sine_ erue_ rechte erfwarende wese_ solen deser drier molder rogghen recht_ stedicheit vors_ alle jare te + bore_ en_ te + hebbe_ soe vors_ hiir ware_ auer en_ an gerichtes lude willem pelgrom en_ henric die vnbedwongen . en_ meer goeder lude . jn orconde des soe heb ich min segell an desen brieff gehange_ En_ om der merre vestnisse wille soe heb jch dirck toppeken min selfs segell mede an desen brieff gehange_ gegeue_ in + den jare ons here_ M˚ CCC˚ . Negen en_ tnege_tich des Donredaghs nae jaers~dach geheite_ Circu_cisio domini