Corpus Van Reenen-Mulder (CRM14): Oorkonde F679r39902

Jch johan van steinb_gen sculte tot zutphen tuge dat vor mi en_ vor gherichts lude nae bescreue_ in sittende gherichte gecome_ is . Aernt berents soen tot spitholte en_ becande_ mit sine_ vrien willen vor hem en_ vor sin erue_ dat hii vor ein su_ma redes gelts die hem wall vern˚get is ein erflic afscheit auerdragen heefft mit saliken wern_e ende henrike sine_ brudere_ en_ mit jutten sinre sust_ . soe dat die selue_ sin brud_e en_ suster hebbe_ solen erflic ende ewelich dat alinge erue en_ goit tot spitholte mit alle_ sine_ tobeho_e niet vytghescheiden gelege_ in + den kirspil van almen en_ vort hoe en_ wart tgelege_ is alss dat Aernt vors_ noch sin erue_ gheen recht noch to + segge_ dair meer an en heeff noch en behelt en_ sal dair erflic aff bliuen verscheiden en_ onterfft soe lange alss sinre brudere en_ sustere_ enich leefft off orre kind_e enich / die ene vp den andere_ te erue_ en_ niet vp aernt vors_ ten wer dat sin brudere en_ sustere_ dat god verbieden moet alle gader storue_ en_ afliuich w˚rden sonder leue_dige echte b˚ert eer aernt vors_ soe queme dan dat goit tot spitholte dairt mit rechte eruen solde vp dit vors_ goit tot spitholte heefft Aernt vors_ erflic verthege_ en_ drogh dat vp ende ginch des vyt tot behoeff salikens w_ners henrix en_ jutten vors_ soe recht was soe dat ordell en_ recht dair auer gewist wart dat aernt vors_ van + den gode tot spitholte vors_ onterfft is en_ salike werner en_ henr_ sine brud_e en_ jutte sin sust_ dair erflic in recht_ erfscheidinge weder an vercofft siit Hiir waren an en_ auer mage der vors_ kind_e heine ton nae haue en_ lamb_t baltinch en_ vort johan to coninghseel en_ hasse?en tot calfssler alse swag_ en_ vrinde dair dit geschiede saten auer mit mi alsse gherichts lude . aernt tyenpont en_ herman van duzeborgh Jn orconde des soe heb jch min segell an desen brieff gehangen gegheue_ in + den Jare ons heren M˚ ccc˚ Nege_ en_ tnege_tich des vridaghs nae belaken pasche_