Lijst

Corpus Van Reenen-Mulder (CRM14): Oorkonde F679r39903

Zutphen of omgeving, 1399

allen luden die desen brieff solen sien off horen lesen . doe jch lubb_t butteken kont en_ bekenne mit desen brieue dat die eersame bes?eidene lude burg_meist__ scepene en_ Rait der stat van zutphen . d˚r beden en_ lieuen wille . des Edelen mans h_en willems h_e van bronchorst mi in desen gevoghe da? gegheue_ hebben tot orre maninghen van alsulken k˚er en_ br˚eken dair see mi v˚r in orre stat toern en_ vencnisse gesat hadden . alse dat wa_ner see my bi oren bade offt bryeue . ?der manen jn + the + come_ . dat . jch dan bi minre sekerheit en_ trouwe_ bi_ne_ viertyen + daghen nae der maninghe_ in~come_ sall tot zutphen vor die burghermeist_e schepene en_ Rait vors_ / ende doen hem tot orre claringhe_ en_ ghenade? voll van alle alsulken broeken en_ k˚ere_ soe zij vp mi the + segge_ en_ the + clare_ hebben / ende zall in vrintscappe_ dan van hem scheyden / tot ore_ ghen˚ghe . . wert dat jch van hem dan niet en scheide soe sall jch mit vrien willen sonder wedersegge_ dan weder ghaen sitten in + den toern der staets gevencnisse geheite_ die apenstert en_ en zall w˚t den toern en vencnisse niet scheiden in ghenreleye wijs . jch en sii irst wall besmedet mit holte en_ mit ysere_ tot orre ghadinghen en_ wille mede soe heb jch gesek_t en_ gelaeft in goiden trouwe_ dat jch bi_ne_ der tiit dat jch desen dach hebbe en_ soe lange als jch mit vrintscappe_ niet ghesceiden en bin van den burg_meist__ Schepene en_ Raide der stat van zutphe_ vors_ niet doen en sall in ghenreleye wijs mit rade noch mit dad? heymelich noch apenbaer thege_ onse_ lieue_ ghenadige_ h_en den d˚rluchtige_ furst den hertoge van gelren noch thegen sine landen noch ondersate_ noch thege_ die ghene die onse lieue h_e v˚rs_ verdedinghe_ will noch oec thege_ die burg_meist__ Schepen en_ rait der stat va_ zutphe_ die n˚ zijt off naemaels come_ moghe_ noch tegen or burgh_en en_ ondersate_ noch tegen alle die ghene die z? verdedinghen willen vort (-) hebbe jch mede gesek_t en_ gelaeft . w_t sake dat der stat van zutphe_ off yemant den sii verdedingen wille_ bi_ne_ deser tiit dat see my dach gegheue_ hebben enich krot off hinder gheschiede van mine_ vrunden om des wille dat see mi in + den toern en_ vencnisse gesat hadden soe zall jch tot orre maninge_ soe vors_ is in~come_ ende ghaen sitten in die vencnisse in allen gevoghe soe vors_ is . alle dese punte_ v˚rscr_ ende ein ye(-)lic punt . bi~zunder heb jch gezekert en_ gelaeft in goiden trouwen en_ mede liiflich ghezware_ auer den heilige_ mit vpgherichte_ vinghere_ geleget vp desen brieff ghestaefdes edes te doen en_ the + holden sonder wedersegge_ Jn orconde des soe heb jch min segell an desen brieff gehangen En_ hebbe mede gebeden om der merre vestnisse wille . Rensen kreyngh andrieses soen en_ . jacop serbolde mine_ magen desen brieff mede te segelen . En_ wi Rense kreyngh andries soen vors_ en_ jacop serbolt bekenne_ dat wii om beden wille_ lubb_ts onss neue_ vors_ onse segele / an dese_ brieff gehangen hebben gegheue_ in + den iare onss h_en M˚ ccc˚ neghen en_ tnege_tich vp sintte mertenss auont Jn + den wint_ des heiligen byscops . .