Corpus Van Reenen-Mulder (CRM14): Oorkonde F679r40001

Wij agnese van doernic abdisse van + der honepp . En_ voert wij ghemeyne co_uents Jonfrouwe_ va_ + der honepp vors_ doen kont en_ ke_lic alle_ lude_ mit dese_ apen_ brieue vor ons en_ vor onse nacomelinghe_ dat wij eenpaerlic om orber wille onses co_uents erflic en_ ewelic vercoft hebben in ene_ rechte_ steden erfcoep Gherde stuven_berch b˚rgher toe zutphe_ en_ syne_ eruen een hoeve lands die gheheite_ is der no_nen hoeve gheleghe_ tot holthusen in + den kirspel van voerst . an erue Gherts vors_ mitter eenre zide_ . En_ aen Emperhoeve mitter ander ziden . strecke_de mitte_ ene_ eynde aen die beke . wilke hoeve . lants vorg_ wij gherde en_ syne_ erue_ voer opghedraghe_ hebbe_ en_ erflic daer op verteghe_ als wij mit rechte doen zolden . alsoe dat wij agnese van doernic abdisse en_ wij ghemeyne co_uents Jonfrouwe_ van + der honepp vors_ en_ onse nacomelinghe daer of onterft sijn en_ gheen recht noch toezegghen meer daer aen en hebbe_ noch en beholden in gheenre + wijs . En_ zal Ghert stuve_berchs vorg_ en_ syne_ erue_ toe lantrechte vast en_ stede bliue_ erfelic en_ ewelic toe bezitte_ r˚stelic en_ vredelic toe ghebruke_ tot alre slachter not zu_nder yemants weder~zegghe_ en_ ke_ne_ mede dat ons dat ghelt daer af tot onse_ wille . van Gherde vorg_ wael betaelt is . dat wij weder in onses ghemeyne_ co_uents orber ghekiert hebben Al arghelist en_ nye vonde claerlic hijr in vyt~gheseghet Jn een recht tuych der waerheit soe hebbe_ wij agnese van doernic abdisse vorg_ ons zeghel an dese_ brief ghehang_ . En_ wij ghemeyne co_uents ionfrouwe_ want dese zake_ mit onse_ co_sent gheschiet sijn . en_ wij ghemeynlic onse_ volbert hijr toe ghegeue_ hebbe_ . soe hebbe_ wij onse co_uents zeghel an desen brief mede ghehang_ . Geg_ int iaer ons h_en dusent en_ vier + hondert op zu_te Jacobs dag_ ap_li .