Corpus Van Reenen-Mulder (CRM14): Oorkonde F679r40002

Jch . . Dyrc toppiken . . Bekenne mit dessen openen brieue . dat . jch . vercoft hebbe . erflike . vyt myne_ goede ter kotsteden mit allen sine_ toebehoeren . als dat gheleghen is . in der b˚yrschap toe lynne . in + den kyrspel van v˚rden . henricke Reghelinde b˚rgher toe S˚ytphen . en_ sine_ rechten erfghename_ . drye malder g˚edes wynt_~rogghen . alle jaere . rechter stedicheyden na jnhaylde siins briefs den hie daer af heeft . . Ende want dat vorg_ G˚yt miin vry edel eyghen . g˚yt is . Soe hebbe jch . . Dyrc vorg_ voer my . en_ myne_ rechte erfg_ . ghelaeft en_ laue mit dessen brieue . . Heynricke vorg_ en_ sinen rechte_ erfg_ . weert dat enich man queme tot enigher tijt die spreke an dat g˚yt vorg_ mit rechte . anders dan vor mijn edel eyghen . des . Heynric vorg_ of sine erfg_ in schaden queme_ . als van hoerre jaerlix pensie vorg_ . Soe wa_neer jch . . Dyrc vorg_ of mine erfg_ daer voer ghemaent warden van Heynricke vorg_ of van sine_ erfg_ . Soe soelen wy althant na der maninghe sonder letten in~coeme_ binne_ die Stad van S˚ytphen . in eyne eersame herberghe daer sie ons in wysen of wysen doen . en_ daer niet henen toe scheyden . in gheenre wijs . wy . en hebben hem yerst verricht als˚lcken schaden als sie daer by gheleden hadden . toe goeder bewysinge_ . Ende soelen hem dat vorg_ onse G˚yt voert haylden en_ waren voer onse vry edel eyghen . voer alle die ghene die des ten rechten coemen willen sonder enigherhande arghelist . . Jn Orconde des briefs Soe heb . . jch . . Dyrc toppiken vorg_ mijn seghel . voer my en_ myne erfg_ an dessen brief ghehanghen . . Ghegheue_ . jnt jaer Ons Heren Duysent vier + hondert op S˚nte Syluestors daghe eyns hilghen Paeuwes