Corpus Van Reenen-Mulder (CRM14): Oorkonde F684r36301

Wy ludeken br˚nrinch en_ johan vbbekinch de en bouman was jn der b˚rscap van dellen jn den kerspel to v˚rden doet ku_dich allen luden de desen bref solen seen of horn lesen dat wy hebb_ ghelauet en_ ghesekert in g˚den trouwen Egberte van v˚rden of sinen rechten Eruende des stucke lands dat he ghekoft heuet rechts stedes erfkope weder bernde to barken en_ dat gheleghen is by den langen Cr˚ce jn der b˚erscap van dellen vorg_ to waerne jaer en_ dach vor al de ghene de des to rechte komen wilt als rechts stedes Erfkops recht is En_ wert oeck dat st˚cke lands vorg_ Egberte vors_ ofte synen Erue_de besproken w˚rde of dat se dar jenygherhande hynder ofte ghebreck by nemen en_ wy ghemaent worden van Egberte vorg_ ofte van sinen Erue_de of van eren boden in onse h˚se dar wy nv jnne wonachtech sin en_ nyet verre to sokene see ene woldent dat doen so sole wy bynnen viertennachte_ na der manynge Ecberte vors_ of synen Erue_de vytheffen en_ afdoen al dat ghebreck En_ wert dat wy des nyet en deden so sole wy s˚nder vortreck bynnen viertennachte_ jnkomen to s˚tphen of to dotinchem jn ene Ersame herberghe daer wy jn ghewiset wart van vm of van erre weghene en_ daer nyet hen to scheydene dat ghebreck en_ de hynder en sy al deghe? (-) en_ afghedaen by vnser sekerheyt en_ trouwe S˚nder Arghelist en_ nye v˚nde En_ want ich johan vbbekinch vorg_ seluen gheen seghel en hebbe so bidde ic ludeken br˚nrinch vorg_ dat he dit vor my beseghele En_ ich ludeken vorg_ vm bede willen johans vorg_ so hebbe ic myen seghel vm de merre vestnisse wille en_ jn en recht tuech der warheit vor my en_ vor joha_ne (-) an dessen brief ghehangen Ghegeuen jnt jaer vnses h_en d˚sent dre + h˚ndert en_ dre en_ zestich de sonn_daghs vor sunte Gereonis en_ victoris daghe