Corpus Van Reenen-Mulder (CRM14): Oorkonde F693r38801

@ @ JC Arnt die haese Richter van veluwen Doe kont allen luden ende tughe apenbaerlic mit desen apene_ brieue dat voir my @ ende voir gherichts~lude die hijr na beschreue_ staen comen sijn jnt ghericht . henric van brienen Engelberts soen / en_ jonfrouwe @ belye sijn wijf mit hoeren gekoere_ mombar / die hoer mit ordel en_ mit recht gegeue_ wart . als henric hoer ma_ne voirscr_ @ Ende hebben mit hoere_ vryen wille ouergegeuen . Rutgher van ranwic en_ sinen eruen . Een huys en_ hofstat dat geheyten is @ hersloe / gelegen jn + den kerspel van berinchem mit hondert ende Twijntich mergen lands . naest hersloe gelegen beneden den @ nyen + g_ue Ende hebben dit voirs_ huys en_ hofstat . mitten voirg_ hondert en_ Twijntich merghen lands Rutgher van ranwic @ voirs_ en_ sinen eruen als een vry eyghen erue / voir opgedragen / en_ na dair op verteghen als ordel en_ gerichts~lude wiesden @ dat henric van bryene_ en_ jonfrouwe belye sijn wijf voirscr_ en_ hoerre twyer eruen . dair af onterft sijn en_ gheen recht noch @ toeseggen me_ dair aen en hebben jn gheenre wijs . Ende sal Rutgher van ranwic voirs_ en_ sine_ erue_ te lantrecht vast en_ stede @ blyuen erfelic en_ ewelic te besitten . rostelic en_ vredelic te gebruken sonder e_nich wederseggen beheltelic minen lieue_ genedige_ @ he_e van Gelre . dertich oude grote tijns vyt Twelf merghen lands van + den voirscr_ erue / Alle argelist vytgesproeken hijr @ waren ouer en_ aen als gerichts~lude . johan van doernic deric van auezaet johan van auezaet gebrued_e jan van hyrnen @ brant van delen / ende anders voil goider lude . die dat mede zagen ende hoerden jn orkonde dis briefs besegelt mit mine_ segel @ Geg_ jnt jaer onss h_n . Dusent + . Drie + hondert + . acht en_ tachtentich / op sente pontianus Auont .