Corpus Van Reenen-Mulder (CRM14): Oorkonde F693r39001

@ @ JC Arnt the boechop . Richter van veluwen . Doe kont allen luden . Ende tughe apenbaerlic mit desen apene_ brieue @ dat voer my ende voer gherichts~lude . hijr na beschreue_ . comen sijn / int ghericht . henric van bryene_ en_ jonfrouwe @ belye sijn echte wijf . mit hoeren ghekoere_ mombar / die hoer mit ordel ende mit recht gegeue_ wart . als henric @ hoer ma_ne voirscr_ . Ende hebben . mit hoeren vryen wille . ouergegeue_ ende opghedraghen . Gadert van stramp-rade ende sine_ erue_ . acht merghen . vier hont . ende twelf roeden lands . Die gheleghen sijn jn + den alinghen erue @ van hersloe . als van o˚ermaten van hondert ende twijntich merghen lands . die henric voirscr_ verkoft ende @ gheleuert had Rutgher van renwic mitter landmaten . Ende hebben na daer op verteghen / als ordel ende gherichtslude wiesden . dat henric van bryenen en_ jonfrouwe belye sijn echte wijf voirscr_ en_ hoer erue_ daer af onterft @ sijn ende gheen recht noch toesegghen me_ daer an en hebben / noch en behoude_ jn gheenre + wijs . Ende sal Gadert @ voirg_ ende sine_ eruen . te landrecht . vast en_ stede bliuen . erfelic . ende ewelic te besitten / rostelic en_ vredelic @ te ghebruycken tot alre slechter not . sonder yemans wedersegghen ende sonder argelist / . . Hijr waren ouer en_ @ aen als gherichts~lude . aernt van keppel . brant van delen . Renne randolfs soen . Otte randolfs soen . lancfart @ van brijler en_ anders voel goider lude . dyet mede zaghen en_ hoerden . jn orkonde dis briefs besegelt mit @ minen segel . Gegeue_ jnt jaer ons h_en . Dusent Drie + hondert ende tneghentich . des manendag_ na den heylige_ @ pinxtdach . . .