Corpus Van Reenen-Mulder (CRM14): Oorkonde F704r35401

@ JC wolter dye Rode van heker Rychter eens Edelen h_en @ des hertoghen van Gelren / ende des Greuen van sutpheen @ @ to doesborch do Cont allen luden dye dessen bryef solen sien of horen lesen / dat vor my quam alse daer ic sat to gherichte daer ic myt rechte sitten soelde Conraed van Leest / ende bekande / en_ verliede daer myt sinen moet~wil-le / ende myt gueden berade / dat hye sijn gued dat gheleghen is vpper Beuer Meer myt alle sinen to~behore @ waer et gheleghen is / also alset dye vos plach onder to hebben ende to bouwen / heuet ghegheue_ in dye kerke to @ keppel dyen kirchere en_ dyen ghemenen presteren dye daer gherent sijn / en_ noch gherent solen weerden in + der @ vorghenomeder kerken totten rechten testamente daer men maentlikes sine memorie van doen sal na siner @ doet in missen / en_ in vigilien en_ dat sal rechte presentie wesen / van weliken Erue vorghenomet dye twe de&esuper;l @ van dien vorghenomede_ guede deer preester vorscreue_ erflike weren / voertmeer so heuet Conraed vorseyt @ vor my / alse vor enen ghesetenen Richter verteghen vp dat vorghescreuene gued myt hande / ende myt munde @ en_ myt alle dien rechte / dat recht is / also dat daer ghedeylet / ende ghewiset waert / dat Conraed noch syne erfghename nu_mer~meer dat gued vorghenom_ an~spreken moghen myt rechte / noch myt onrechte / ende des @ wedden desse vorghen_ preester or orcunde in mijn hant / hijr hebben an en_ auer ghewesen gherichtes~lude @ gheret Mumme / Rycolt storckijn / ende Roelf dideric clokincs soene van dedem / gheheten Roelf ten Loe / jn @ orcunde der waerheyt so heb jc dessen bryef besegelt myt mine segel / Gheschiet / en_ ghegheuen jnt jaer @ ons h_en / dusent + / drye + hondert vier + / ende vijftich vp sente Bartholomeus avont des apostels . .