Corpus Van Reenen-Mulder (CRM14): Oorkonde F704r37101

@ @ JC dyderic Rouetasche dye junge ghesware_ richter toe doezeborch eens edele_ here_ des hertoghe_ va_ Gelre_ @ en_ Greue_ van zutfen tughe in + desen apene_ brieue dat vor my en_ vor gherichts~lude dye hijr na bescreue_ @ staen in zittende gherichte ghecoeme_ sin husse toe byvorden koenegund syn echte wyf mit oers monbars @ hant en_ husse oerre twyer zoene en_ verlieden dat sye hedden vercocht in ene_ rechte_ stede_ erfcope @ here_ Euerde van hek_e kirch_e toe keppel of sine_ erfghename_ of den ghene_ daer hye dat ane wysde @ nyeghe_ güde aelde gulden schilde des jaers munte des koenynx va_ francrijke dye güd sin va_ @ golde en_ vülwichtich of payment dat in + der tijt der betalinge daer güd vor js to boere_ alle jaer tod @ sunte Martens misse in + den wint_e ku_merlos v̈t den alingen güde toe byvorde_ als dat gheleghe_ js @ mit al sine_ toe~behoere_ in + den kirspele va_ keppel / toe~voere_ v̈t eer anders yema_ enich güd of @ rente boert va_ desen vorscr_ güde / vm een su_ma ghelds dye oen h_ Eu_t vorg_ toe güder tijt @ wal betaelt heeft Voert hebbe_ husse en_ koenegund vorg_ mit oers monbars hant en_ husse oer @ zoene dese vors_ nyeghe_ aelde schilde des jaers vp~ghedraghe_ here_ Euerde en_ sine_ erfghename_ @ vorg_ of den ghene_ daer hye dat ane ghewyst hedde en_ hebbe_ daer vp vertyeghe_ also dat ordel @ en_ recht wijsde dat sye noch oer erfg_ daer ane ghien recht noch ansprake meer en hebbe_ noch @ behaelden Hijr hebbe_ auer en_ ane ghewese_ gherichts~lude Maes pannart joha_ Clawes zoene @ en_ anders meer güder lude Jn orkunde al + der dinge heb jc vors_ richt_ mijn zegel @ an + desen @ brief ghehangen Ghegheuen in + den jare vns here_ dusend drie + hondert yen en_ tzoeue_tich @ vp sunte Vitalis dach