Corpus Van Reenen-Mulder (CRM14): Oorkonde F704r37601

@ @ JC johan van hu_mele ghesware_ richter to Doeseborch in + der tijt eenre edelre vrouwe_ der hertoghinne_ va_ Gelre_ tughe in @ desen apene_ brieue dat vor my en_ vor gherichts~lude hijr na bescreue_ in zittende_ gherichte ghecome_ sin Euerd van + de_ holte @ en_ Elzebye va_ holthusen sijn echte wijf als mit oers monbars hant die oer mit ordele daer wart ghegheue_ en_ verliede_ dat sye hedde @ vercocht in ene_ steden erfkope den kircheer en_ den ghemeyne_ gheselle_ der kirke_ va_ keppel / oer erue en_ güd gheheyte_ die @ Schoenhorst gheleghe_ in + den kirspele va_ hu_mele / daer aernd dübbic vppe plach to woene_ / daer baue_ gheeruet is Gosen ter @ Oeuese en_ benede_ junfer burgard van hek_e / aling mit alle sine_ toe~behoere_ / Voert hebbe_ sie oen vercocht in + de_ zelue_ steden @ erfkope vyer daghe jaerlix torfstekens vp oere_ vene in + de_ kirspele va_ hu_mele / also voele als een ma_ steke_ mach mit ene_ @ spaede en_ een ander va_ vm rume_ / en_ also voele placke_ to meye_ vp + den vors_ vene als me_ behoeft jaerlix to den vors_ erue / welke_ @ koep sie oen gheue_ vor een su_ma gelds die sie verliede_ dat oen to guder tijt aling wal betaelt js / En_ sie noch oer erfg_ @ en züle_ dat vors_ vene nyet verhure_ vercope_ noch enwech~gheue_ en_ en züle_ ghiene_ torf meer daer v̈t doen steke_ dan sie @ of oer erue_ vors_ of een oer bouma_ behoeue_ toe berne_ in oere_ huse vp oere_ güde to hu_mele Voert so hebbe_ Euerd en_ @ Elsebe vors_ dit vorg_ erue / torf~stieke en_ placke_ meyen als vorscr_ js vpghedraghe_ en_ vertieghe_ daer vp mit halme @ mit hande en_ mit monde mit oere_ vrien wille to behoef des kirchere_ en_ der ghemeynre gheselle_ vors_ also dat ordel en_ @ recht wijsde dat sie noch oer erue_ of nyema_ va_ oerre weghe_ ghien recht noch aensprake daer aen meer en behaelde_ @ En_ lauede_ oen des to waere_ vor een edel eyghe_ als me_ eens edele_ eyghens mit rechte waere_ sal vor al + die ghene die des @ ten rechte come_ wilt en_ alle_ vorku_mer af to doene hijr were_ auer en_ aen gherichts~lude Pelegrim hulscamp joha_ @ wolzac en_ anders meer guder lude Jn orkunde des heb jc joha_ richt_ vorg_ mijn zegel @ an + dese_ brief ghehange_ Jn + de_ @ jare vns here_ Dusend drie + hond_t Sesse en_ tsoeue_tich vp sunte Vale_tinus dach in + der zulle~maent -