Corpus Van Reenen-Mulder (CRM14): Oorkonde F704r38301

@ @ JC johan dye Mey in + der tijt geswaren ? ? Doeseborch eens edelen heren Des hertogen van Gelren tuge in + desen apene_ brieue @ dat vor my en_ vor gerichts~lude hijr na bescreue_ in ? ? gecome_ sin Rolof van holthusen en_ Beerte sijn echte wijf als mit @ oers monbars hant dye oer mit rechte daer gegeue_ wart En_ verliede_ dat sye vercocht hedde_ in ene_ rechte_ stede_ erfkope den kirche_e @ en_ den gemeyne_ geselle_ geheite_ vicarij der kirke_ toe keppel en_ oeren nacoemelingen Twye margen lands in + der Elmet gelegen in + de_ @ kirspele van hu_mele aling als dye oere were_ / daer henrix kind_e van hek_e / vyer margen lands mede aen liggende hedde_ / mit torve mit @ twijge mit wat_e mit weide_ en_ mit alle oere_ toe~behoere_ voer een edel eygen / vm een su_ma gelds dye sye vm to güder tijt wael betaelt @ hebbe_ Voert so hebbe_ Rolof en_ Beerte vors_ vpgedragen ? vorg_ twye margen lands / en_ hebbe_ daer vp vertiegen to behoef des @ voorg_ @ kirch_en en_ gemeynre priest_e en_ oerre nacomelinge priest_e aldaer / mit hande mit monde en_ mit oeren vryen moetwille @ also dat ordel en_ recht wijsde dat sye noch oer eruen of nyema_ van oerre wegen daer aen ghien recht of aensprake nu_mer @ hebbe_ en zuele_ en ghienrehande wijs En_ hebbe_ vm der gelaeft toe waere_ voer een edel eygen jaer en_ dach vor alle dye ghene dye @ des ten rechte coeme_ wilt en_ als men eens edele_ eygens mit rechte waere_ sal en_ alle_ vorku_mer aling af to doene Hijr were_ @ auer en_ aen gerichts~lude Johan van kelle Euert van Enghusen en_ meer gueder lude jn orkunde des heb jc vors_ richter @ mijn zegel @ an + desen brief gehangen Oec heb jc Rolof van holthusen vors_ mijn zegel @ vor my vor beerten mijn echte wijf vors_ @ vm oerre bede wille en_ vor vnse eruen / mede mit des vors_ richters zegele gehangen an desen brief jn + den jare vns here_ @ Dusend drie + hond_t drye en_ Tachtentich vp sunte willibrordus dach