Corpus Van Reenen-Mulder (CRM14): Oorkonde F704r38401

@ @ JC johan dye Mey in + der tijt gesware_ richter to Doeseborch eens edelen here_ Des hertogen ? Gelren tuge in + dese_ apene_ @ brieue dat vor my en_ vor gerichtes~lude hijr na bescreue_ in zittenden gerichte gecoeme_ js Dideric ten Loe en_ verliede @ dat hye hedde vercocht in ene_ rechten steden erfkope / den kircmeystere_ in behoef der kyrke_ to keppel toe der @ luchtinge en_ to der ty_meringe / enen margen lands dye sijn was gelegen in + den kyrspele va_ hu_mele vppen ruwenoerde @ aling mit alle sine_ toe~behoere_ vor een edel eygen vm een su_ma gelds dye sye vm wael betaelt hebt Voert so heeft @ Dideric vors_ vpgedragen desen vors_ margen lands en_ heeft daer vp vertiegen toe behoef der kyrke_ van @ keppel vors_ mit hande mit monde en_ mit sine_ vrijen moetwille also dat ordel en_ recht wijsde dat hye noch @ sijn eruen of nyema_ va_ sijnre wegen daer aen ghien recht noch aensprake meer hebbe_ en sal Voert so lauede @ Dideric vorg_ der vors_ kyrke_ den selue margen erues to waere_ vor een edel eygen jaer en_ dach als erfkoeps @ recht js vor alle dye ghene dye des ten rechte come_ wilt en_ allen vorku_mer af to doene Hijr were_ auer @ en_ aen gerichts~lude Willam van + der huete Roetard wijrre en_ meer gueder lude Jn orkunde des @ heb jc vors_ richter mijn zegel @ an + desen brief gehangen Jn + den jare vns heren Dusend drie + hond_t vyer en_ @ Tachtentich vp sunte willibrordus dach