Corpus Van Reenen-Mulder (CRM14): Oorkonde F704r38901

@ @ JC Diderick kelreweert geswaren drossate in + den lande van zutphen in + der tijt eens edelen vursten des Hertogen van Gelren ende Greuen van zutphe_ doe kond @ allen luden ende tuge in + desen apenen brieue dat vor my ende vor gerichts~lude hijr na bescreue_ in zittenden gerichte gecomen sin Gerijd Negel en_ Hadewich @ sijn echte wijf als mit oeren monbar den sye mit ordele ende mit rechte daer verwarf / en_ verlyeden vor vm en_ vor oer eruen / dat sye hedden gegeue_ ende @ geuen in enen rechten erfwissele / den kyrcheere ende den gemeynen altaristen geheiten vicarij . der kirken van keppel ende oeren nacoemelingen vijf pond @ des jaers pachtgelds erfliker renten / vyt enen stucke lands gelegen in + den kirspele van Doeseborch vp Noedelenberch / daer an dye ene zijt geeruet sin @ Arnds kindere van v̈bele ende an + dye ander zijt henric winterpol . aling als dye erfnisse oere js / als voer een hofstede gelegen bynnen Doeseborch daer an dye @ ene zijt geeruet js Gerijd Steenrema_ en_ an + dye ander zijt Diderick van v̈bele / die vm die kircheer en_ vicarij vors_ daer voer wed_ gegeue_ hebbe_ / Dese @ vors_ vijf pond des jaers vyt der vors_ erfnisse / erflike en_ ewelike to hebbe_ to heffen en_ toe buere_ jaerlix to Paeschen / en_ moegen dye jaerlix vyt doen @ penden als gerechte verschenen pacht mit enigen degelix richt_e . Weert oec dat vm dese vors_ rente vp een jaer of vp meer jare aling ofte deels @ nyet betaelt en worde / wes vm daer af vnbetaelt bleue dat mochten sye tod allen tyden vyt doen penden en_ daer mede voert varen als vorscr_ steet @ Voert so hebben Gerijd ende hadewich vors_ vpgedragen dese vors_ vijf pond des jaers / en_ hebbe_ daer vp vertegen to behoef des kirchere_ en_ der @ altaristen vors_ en_ oerre nacomelinge mit hande_ mit monde_ en_ mit oeren vrijen wille als ordel ende recht wijsde dat sye mit rechte solden / Hijr @ weren mit my auer en_ aen gerichts~lude Diderick van v̈bele Diderick Roeuer en_ meer goeder lude jn orkunde des heb jc vors_ drossate mijn zegel @ @ an desen brief gehangen Ende jc Gerijd negel vors_ hebbe vm meerre vestenisse alle des_ vorwarden mijn zegel @ vor my vor hadewige mijn echte wijf vors_ en_ vor @ vnse eruen mede gehangen an desen brief Gegeuen jn + den jare vns heren Dusend drye + hondert nyegen en_ Tachtentich vp sunte @ Margareten dach der hilger juncfr_ . . .