Corpus Van Reenen-Mulder (CRM14): Oorkonde F704r39401

@ @ JC henrick bruning jn + der tijt Ghesware_ Richter to dozeborch Eens Edele_ here_ des h_toge_ van Gelren ende van Gulijck ende des Greuen @ van zutphe_ tuge in desen apene_ brieue dat vor my en_ vor gheriichts~lude hijr na bescreue_ in zittende_ gherichte gecome_ is armegard h_en willam @ boyen dochter als mit oere_ mombar den sye daer mit ordel ende mit rechte verwarf Ende verliede vor oer ende vor oerre eruen dat sye hadde vercoft in eene_ rechte_ steden erfkope heere_ Gheriid negel priest_ oere_ brueder ende sine_ erue_ Oer lijftucht ende al recht aling dat sye hadde an + de_ slage @ geheite_ Grijs hoeue gelegen in + der ellenit @ jn + de_ kiirspel van hu_mele mit alle_ sine_ to~behore_ / also als oer dat aene~gecome_ was van here_ willam boyen oeren @ vader dem @ God genedich sy Ende hiir vor Soe heeft oer her Gheriid vors_ oer brueder Een su_ma gelds wael betaelt Voert~meer Soe heeft armegard vors_ @ als mit oere_ mombar vpgedrage_ Oer lijftucht ende al recht aling dat sye hadde an desen vors_ slage geheite_ Grijs houe Ende heeft daer vp vertege_ to behoef h_en @ Gheriid negels priest_ vors_ oers brueder ende siinre eruen mit hande mit monde en_ mit oeren vriien wille also dat ordel en_ recht wijsde dat sye noch oerre ? @ noch nyeman van oerre weghe_ daer aene ghien recht noch aensprake meer hebbe_ een zult hiir weere_ aene gherijchts~lude henric van lure en_ Rycold beyer en_ anders meer Gueder lude jn orkunde des heb ic vors_ richt_ myne_ zeegel @ an desen brief gehangen jn + den jare vns heere_ dusend drye + hondert @ vyer en_ Tnegentich vp sunte poncian_ daghe -