Corpus Van Reenen-Mulder (CRM14): Oorkonde F704r39601

@ @ Wy johan claws zoene ende henrick winterpol scepene to dozeborch tugen in desen apene_ brieue dat vor onssen scependom gecome_ siin dirck van + der @ borch anders geheiten distelweerd ende harbrich siin echte wiif als mit oren mombar ende verlieden vor vm ende vor oerre erue_ dat sye hedde_ ver-cofft erfflicke in eene_ rechte_ steden erffkope here_ harma_ ten haue priest_ ende siine_ erue_ oerre twee roeden in + de_ kiirspel van angerlo gelege_ an h_en @ dirck den gruter priest_ aling mit allen oere_ tobehorenne vor een tiins~gued van dirck Momme_ van kelle en_ die jaerlix to v_tinzenne vp sunte galle_ dage @ vp dat huis to kelle mit eene_ aelde_ hollenssche_ o_me een su_ma gelds die hie vns aling wael betaelt heefft Voert so hebbe_ dirck en_ harbrich vor_ als mit @ ore_ mombar vpgedragen dese vor_ roeden en_ hebbe_ daer vp vertegen to behoeff h_en harmans ten haue priesters vor_ en_ synre erue_ mit hande_ mit @ halme_ mit monde_ en_ mit ore_ vryen willen als sye mit rechte solden jn orkunde des so hebbe wy onsse segele an desen brieff gehangen jn + de_ jare onss @ h_en dusend dry + hondert sees en_ Tnegentich vp sunte ambrosius dage