Corpus Van Reenen-Mulder (CRM14): Oorkonde F709r36201

@ @ Ich aelbert paetze van heynoerde . Make kenlic allen luden jn desen apene_ briue dat jc dat hoghe + lant alingh alset ter stocwert hoort Ende heft vanaeldes dat gheleghen is jn den Enghe toe hu_mele tusschen der kircken toe hu_mele En_ der hoefsteden ter stocwert hebbe bewiset . ghegheue_ @ En_ ghegoedet . vor twelf maelder saet~roeghelandes dozeborgher mate . den kirch_e En_ den meyne_ vicarijs toe keppele . Daer ane Ende @ aver waren . aelbert paetze van enghusen en_ Engelb_t van haerstlo . also dat vm daer ane ghenoghet . al arghelist vt~gheseghet . die @ den kirch_e En_ den vicarijs vorg_ daer ane hinderen mach . vet~ghename_ . Dat Stucke landes Dat aelb_t paetze vorg_ meyster ludicke_ @ den timmerma_ne ghesat heuet . jn oerku_de der waerheyt So heb jc des_ theghenwordighe_ brief beseghelt mid mine_ seghele . ghegheue_ @ jnt jaer vns h_en Dusent drie + hu_dert twe en_ tzestich . des zat_daghes na midvastene .