Corpus Van Reenen-Mulder (CRM14): Oorkonde G173p37602

Ich coep elbertinch . Griete miin echte wijf . Joha_ ende coep onse echte_ kindere ende voert alle onse rechte_ ervende va_ Ervende_ tot anerve_de_ doen kundich alle_ lude_ ende bekenne_ openbaer med desen opene_ brieue dat wij hebbe_ vercoft ende vercope_ med dese_ openen brieue redelicke ende reckelicke erflicke ewelicke ende ju_mermeer Ecberte Me_ninch yde_ sine_ echte_ wijfe ende ere_ rechte_ ervenden onse wijf stucke vryes landes de der kerche_ va_ almelo pleghe_ tho wese_ne ende sint gheleghe_ bij Rengherinc op den essche tot almelo v_me ene su_ma va_ ghelde de ons wiitlicke ende wal betalet is . ende hebbe_ ecberte ende yde_ vors_ dese vijf stucke vries landes op~ghedraghe_ ende op~ghelate_ also alse wij med rechte solde_ vortm_ so sole wij Ecberte ende yde_ vors_ deses vors_ landes ware_ also alse me_ eyn vri + eghen ware_ sal vor alle de ghene de des tho daer weren an ende ouer alse rechte wincopes~lude albert tubberijch johan voghel wijcgher va_ der leuorde ende de stiue willike_ ende anders goder lude ghenoech . jn ene orkunde al deser vors_ dinch wente ich coep vors_ op dese tijt selue_ gheen seghel en hadde . so hebbe ich ghebede_ de schepene_ va_ almelo dese_ brief ouer vns tho beseghelne ende wij gherd abecede hinrick bij der strate_ bergherd koke ende diderick de Müller in der tijt schepenen tot almelo . v_me bede wille_ copes ende Griete_ vors_ hebbe wij onser schepene_ seghel an dese_ brief ghehanghe_ Ghegheuen int jaer onses here_ dusent dre hundert ses ende tsoue_tich des dunredaghes na petri et pauli twiger hilgher apostole