Corpus Van Reenen-Mulder (CRM14): Oorkonde G173p38301

Jn (onleesbaar) (onleesbaar) Amen . Wij Euerd van Heker here tot almelo knape Beatrix Juncvrouwe van almelo echte~luede iohan onse Sone herberich ende elysabet onse dochtere en_ voert alle onse rechte erfgenamen doen kundich allen lueden bekenne_ en_ betughe_ ope_baer med dessen openen brieue dat wij med onsen goeden vryen moet~willen hebben ghegheuen ende gheuen med dessen openen brieue puerlicke v_me godes willen in + de kerche tot almelo tot memorien testamente ende ghedechtnisse onser onser zylen onser vorv?nen zylen en_ onser nakomelinghe zylen des gyselers camp de gheleghen is bij des vrisschen bome ende begriep van onser meente daer men op segen mach vier mudde zades dat gheleghen is tusschen des vrisschen bome ende des bredelers~z˚mpel en_ tusschen der coppel~grauen en_ den rechten weghe also we kerchere is tot almelo dat de vor ons bidden zal en_ onser zielen ghedencken zal Jn eyn tuech der waerheit zo hebbe wij Euerd en_ beatrix vorscr_ onse Seghele an dessen brief ghehanghen vor ons vor iohanne onsen Sone vor herberich en_ elysabet vorscr_ onse dochtere en_ voert vor al onse rechte Eruende . Datu_ Anno d_m___ (onleesbaar) (onleesbaar) (onleesbaar)