Corpus Van Reenen-Mulder (CRM14): Oorkonde G173p39101

Wij Jde wandaghes echte wijff heyne_ van den dyke den god ghenedich zij . heyne johan en_ styne myne kind_e maken kond allen lueden de desen breeff zeen off hore_ lezen dat wij vor vns ende vnse erffghenamen hebben qwijt gheschulden ende qwijt schelden med desen apene_ breue Euerde van heker h_e to almelo en_ Beatrix j˚ncfrouwe tod almelo echte~luede en_ eer erffg_ van alzodaner loffnisse alze vnse vader heyne vors_ vor em ghelouet hadde jn hant her johans van verneborch bisschop Tutrecht en_ vort van aller loffnisse en_ schult de vnse vader heyne vorscr_ off vnse vnse moder jde vors_ off wij an Euerde en_ Beatrix vors_ off an eer erffg_ off an de herscap va_ almelo tho sprekene hebben hent tho huden vp desen dach na datu_ deses breues jn orku_de des zo hebbe ich heyne van den dyke vors_ vor yden vnse moder vors_ joha_ myne_ broder en_ styne myne suster en_ vort vor vnse erffg_ myn zeg_ an desen breeff ghehanghen en_ v_me ener meerre vestenisse wille zo hebbe wij ghebeden eu_de van heest amptman jn der tijd der herscap van almelo desen breeff mede ou_ vns en_ vnse erffg_ tho bezeghelene en_ ich euerd vors_ want ich hijr an en_ ouer gheweset hebbe dat dit schiede zo hebbe ich v_me bede willen jden heynen johans en_ styne_ desen breeff mede ouer em en_ eer erffg_ bezeghelt med myne_ zeg_ Gheg_ jn den jaer vnses h_en dusent dre + hu_dert en_ een en_ neghentich vp vnser vrouwen dach tho lechtmissen