Corpus Van Reenen-Mulder (CRM14): Oorkonde G173p39401

JC Euerd van heest een richter en_ amptma_ der heerscap va_ almeloe jn dier tijt doe ku_dich alle_ lude_ en_ tuge ape_ba__e jn dess_ apene_ breue dat voer my gecome_ sin jnt gerichte jn enen gehegede_ heymale En_ voer gerichtes~lude hijr nae bescreue_ Euerd va_ hekere h_e tod almeloe knape Beatrix joncfr_ tod almeloe sijn echte wijf En_ egb_t van almeloe hore twyer echte sone En_ beka_den voer my dat sie en_ hoer erfg_ schuldich sin van gerecht_ witliker schult van ryeden gelyende_ gelde herberige va_ almeloe gehete_ van wachte_d˚nck echte dochter Euerdes en_ beatrix vors_ en_ zuster egberts vors_ en_ hore_ rechte_ erfg_ twe + hondert guede zwaer rijnsche guldene gued va_ golde en_ v˚lwichtich ofte gued gelijc en_ weert payme_t daer voer dat daer gued voer sij jn + der tijt der betalinge Voer welke twe + hondert guldene vors_ sie herberige vors_ en_ hore_ erfg_ gesat hebben en_ zetten tod enen rechte_ onderpande hoer er˚e en_ gued te_ nyenhaue mitten eyghene_ luden die daer toe hore_ mit tor˚e mit twyge mit water mit weiden mit alre slachter n˚t en_ mit al sine_ olde_ en_ nyen toe~behoern alsoe dat geleg_ is jn der heerscap van almeloe En_ droghe_ hoer dat vors_ gued voer my jn de_ gerichte vp alse sie mit rechte solden En_ la˚ede_ hoer des voerscr_ guedes toe warene woe dat me_ een vry eyghe_ toe rechte ware_ sal voer al die ghene die dat vors_ gued en_ lude aenspreke_ wille_ die des toe rechte come_ willen hent alsoe langhe dat sie herberige vors_ en_ hore_ erfg_ dese voers_ twe + hond_t guldene betaelt hebbe_ ofte payme_tes alse vors_ is En_ mytten vors_ gelde ofte payme_te moghen sie en_ hoer erfg_ herberige voers_ oft hore_ erfg_ dit vors_ gued en_ lude af~losen alle jaer vp sente mertens dach jn + de_ wynter En_ wa_neer sie herberige vors_ oft hore_ erfg_ dit vors_ gelt oft payme_t als vors_ is betaelt hebben en_ vp termij_ alse voers_ is Soe sal dat vors_ gued weder quijt ledich en_ los wesen toe behoef Euerdes beatrix en_ egberts vors_ en_ hore erfg_ Mer wes voer den t_mij_ der betalinge vp den vorscr_ guede van enygen ja_e verschenighet is van zaede van renthen en_ van vervalle dat sal herberich vors_ en_ hoer erfg_ hebben en_ boere_ En_ hoer orbaer daer mede doen . Sond_ enich wedersegghe_ En_ al argelist hijr jnne vytgespraken hijr w_en an en_ au_ alse koernote_ en_ gerichts~lude gheerd van pesie otto mu_me En_ anders gueder lude genoech jn oerconde des soe heb ic Euerd va_ heest richt_ vors_ mij_ zegel want dit voer my gheschie_ is En_ ic mij_ oerconde hijr vp ontfang_ hebbe tod ene_ tuge der waerheyt an desen brief gehang_ Ende wij Euert van hek_e Beatrix en_ egb_t voers_ en~ke_ne_ aller vurwarden en_ puntten alse vorscr_ steet En_ la˚en die herberige ons_ docht_ eu_des en_ beat_x vors_ en_ z˚ster egberts vors_ en_ hore_ erfg_ stede vast en_ vntobroke_ toe hoelde_ en_ hebbe_ des onse zegele vmme der meere vestenisse willen mit Euerds ons_ richters en_ amptma_s zegel voer ons en_ voer onse erfghename_ an desen brief gehanghe_ Gheg_ jn den ja_en ons heren duzend drye + hondert vier en_ neghe_tich vp sente brixius dach eens hilghen bysscops