Corpus Van Reenen-Mulder (CRM14): Oorkonde G203p34701

Wi . herman van bechem richter toe der t?d toe delden . berent puze johan Wessels . johan vreze . gert lubbertes sone des scroders to Ghore . hinric mel + . menso smedinc schepene_ to der tijd to delden don k˚nt allen lude_ en_ tugen apenbare in + dessen breue dat vor un&sring; @ sint ghecomen in eyn gheheget gerichte (onleesbaar) Berent van Hulsger und Dayge sin echte wif (onleesbaar) (onleesbaar) (onleesbaar) des , dat se hadden vercoft Hermanne van Twicclo Engelbertes sone und sine rechten ervende erflike und jummermer to besittene dat hus to eysinc , dat ghelegen is in den kerspele to delden in der groten burscap bi + den dorpe mit torve mit twige mit alle siner to~behornisse und mit alle sclatre nut in also~gedaner vorwarden , dat Werringer sal besitten in den garden , de dar to behoret , dar he des jares of heft sesten schillinghe to sinen live , mer wan Werringer doet is , so solen de garden ofte de pacht erven op Hermanne vorghenomt und up sinen ervent , un Hasike to der nortmolen und er suster , de solen besitten in + der kotstede to oire twiger live , und wan se doet sin , so sal de cotstede weervallen in dat hus to eysinc vorghenomt umme vif un twintich marc und hundert , de Herman Berende unde Dagen vorghenomt witelike und wal betalet heft un Beent und Dage van Hulsghere und or ervende vorghenomt hebbet dat vorbenomde hus und guet upghedragen Hermanne van Twicclo in unse hant un hebbet dar up vortegen erflike und jummermer , des uns de vorbenomde Herman sin orkunschap gaf und wi untfengen . In eyn tuch der rechter warheyt so hebbe wi Richter und Schepenen vorghenomt umme bede willen to beyder sit alle deser vorghenomden lude dessen bref bezegelt mit unsen inghezegelen , Ghegeven in dat jaer unses Hern dusent dre + hundert sevene un virtich in den pinsteren hiligen