Corpus Van Reenen-Mulder (CRM14): Oorkonde G207p35101

Wi , ghemene scepene van Aldenzale , doet kundich en_ bethughet openbare jn dess_ breve , dat vor vns qwam Herman de Heket , vnse borghere , en_ vertheych daer en_ opdroch en_ ghiftighede med ziner moetwillen vm_e zelghet zir zelen ton Hilighen gheyste , med uns gheleghen , zine twe kampe , gheleghen bi vns vp den Nyenvelde , erflike en_ ju_mermeer tho hebbene en_ tho brukene , en_ vortm_ dezelue Herman heft gheghiftight dem vors_ Hileghen gheste al zin goet , dat hee achterletet na zinen dode , dat zi an ghereden ghode ofte an andren ghode , zunder en bedde , ene pole en_ en paer lakene , dat mach hi keren wat hi wil . Ende des zole wi , scepene tod Aldenzale , dem Herma_ne also langhe alze he levet Jn rechther liftucht do˚n gheven en_ betalen van des vorsc_n Hilghen ghestes ghode en_ van denghenen de des Hil + ghestes hodere zin , alle jare tusghen sunte Mertins + misse en_ medewintre dre molt ghodes roggen en_ dre molt ghoedes korens . In tuchnis_n dess_ vorscr_ dinch so hebbe wi v_me bede des vorscr_ Hermans onzes stades cleyne jnzeghel an dess_ bref ghehancgen . Ghegheven jnt jaer vnzes Heren duzent dre + hu_dert en_ eyn en_ vijftich , des Vriedaghes na Paschen .