Corpus Van Reenen-Mulder (CRM14): Oorkonde G207p36501

Ic , Gherd Ghalighaen , Fye myn echte wijf , ende vnse recht eruent doet kundich allen luden de dezen bref zolen zeen of horen lezen en_ betughet openbare in dezen breue , dat wy mit moetwillen redelike en_ reckelike verkoft hebbet stedes eruekopes Arende Wonder en_ zinen rechten eruende dat goet tor Scoppen mit torue , mit twyghe ende mit al zinen rechten tobehorene , alzet gheleghen is in Luttermarke in den kerspele van Aldenzale vor eyn recht vryeyghen goet en_ ledich ende ku_merloes to hebbene ende to besittene erflike ende vmmermeer , vmme eyne su_me gheldes de vns witlike ende wal betalet is , en_ vp eyne jaerlikes pacht , to gheuene den prouest van Werden : alze achte scepel rocghen , dre scepel haveren bi spykermate ende dre schellinghe en_ achte pe_ni_ghe , ende hebbet dit goet vorghenomt vpghedreghen ende daer vp verteghen vor Jacobe van Beyne , gheheten Dempighe , richter to der tijd tod Aldenzale , daer he sat in gherichte en_ in ghehegheden heymale en_ zine_ orku_t vp vntfengh , mjt allen vertichnissen ende vplatinghen alze daer + to behoert ende alze recht is . Vortmer zo hebbe wy , Gherd en_ Fye vorghenomt , ghelouet in denzelue_ hegheden heymale ende louet vastlike in dezen breue , dat wy en_ vnse recht eruent zolen Arende Wonder ende zine_ rechten eruende waren des goedes tor Scoppen vorghenomt mjt al zine_ rechten tobehorene ledich ende ku_merloes en_ vor eyn recht vryeyghe_ goet in allen vorwarden ende maneren alze hijr + vor ghescreve_ is wo men eyns rechten vryeyghens goedes mit rechte waren zal vor al deghene de des to rechte komen willet . Al arghelist in dezen breue vtghesproken . Updat al deze dinch stede en_ vast bliuen , zo heb jc , Gherd Ghalighaen vor mi , vor Fyen myn wijf ende vor vnsen rechten eruent myn zeghel an dezen bref ghehanghen ende hebbet voert ghebeden Jacobe den rich_r vorghenomt , dat he dezen bref wille mede ouer vns bezeghelen mjt zinen zeghele . Ende want jc , Jacob rich_r vorgenomt , mynen orku_t hijr vp vntfengh , daer al deze dinch vorghes_ vor mj scheden in ghehegheden heymal , zo heb jc vmme bede wille_ van beyden siden myn zeghel mede an dezen brief ghehanghen , daer an en_ over weren alze rechte kornothen Pet_ van Woelde , gheheten van Herghelo , Gherd Snoye , Gherd Stengher , Johan Wonder , Arend Ludgers en_ anders goeder lude ghenoech . Ghegheve_ jnt jaer vnses Heren dusent dre + hundert vyf ende sestich des dinxedaghes na Su_te Jacobs daghe , eyns apostols .